B.海鮮四款拼盆一份（一次性） 加 潮汕牛肉放題 $298
C餐最平$178 淨美國肥牛放題（其實都抵食，因為肉類都多選擇，自助區蔬菜同其他配料都非常之多選擇，飲品又有唔同種類）
我哋簡左A餐，比B餐貴$50，每人多半隻龍蝦🦞、一隻鮑魚、一隻蟶子、龍躉肉同幾粒大蜆（大蜆可以自助取）
海鮮都好新鮮彈牙鮮甜，呢$50既CP值幾高，抵加既。
湯底方面，老公推薦食牛骨湯，因為佢同同事試過蕃茄湯同麻辣湯，覺得牛骨湯鮮啲。
個人都覺得牛骨湯非常清甜，而我哋第一時間係烚左啲海鮮黎食先，跟住成個湯有埋啲海鮮味，勁鮮甜😋
之後淥晒成圈牛肉，再烚菜食，啲菜勁好食😋吸晒牛肉香仲有海鮮既鮮甜味👍而且因為仲未開始淥其他野，仲未有好多油同其他野食味，呢個時候食菜就會清爽啲。
手切牛肉有五款，有師傅係現場係咁切，我同老公最鍾意匙柄，最滑。
1
自助區食物選擇非常之多，而且擺放得井井有條，乾淨衛生，待應不停refill, 飲品種類繁多，有自家既奶茶（試左，好飲），其他冷泡茶，仲有道地茶，其他飲品，仲有凍杯俾你裝紅白酒。
啤酒都有幾款俾你簡，所有飲品任飲！
雪糕試左豆腐味，好食！
另外餐廳好大，坐得好舒服，自助區好大地方走動，就算坐滿晒客人都好快攞到野食。
我同老公早到，坐到勁大張卡位，仲有大玻璃窗有樓景睇，所有店員都非常熱情有善，有禮貌，用餐體驗非常之好👍
1
試左之後都幾鍾意，見到好多人黎食得好開心，氣氛好熱鬧，目測都多人食最貴個個餐，聚會簡A餐係開心既，而且龍蝦都好大隻好新鮮好好食。
睇返自助區啲相之後，發覺自助區好多野未試，同老公想下次食最平個個餐，因為出面個自助區，好多野都好吸引。
3
