發達叉燒

营业中

休息中

只要有心，人人都係食神。地方不大，新開不久仍能保持可接受的淨潔度，加上燒出堪稱火之藝術的超級菜式。叉燒既肉汁鎖係纖維裡面，好似江河匯聚，而且裡面的肉筋被內力打碎，入口極之鬆化。塵世間都無咩形容詞可以形容到佢！點解？點解我食到一碗咁好食既叉燒飯，如果我以後都食唔到咁點算？咦，點解我會喊呢？有一種哀傷感油然而生，唔係食到洋蔥，係我竟然無叫到正宗既黯然銷魂飯，又無叫到都出出地名既茅台醬油雞。今次無得多謝史蒂芬周，要多謝自己排隊，憑實力食到。