影片
更多
2025-03-28
296 浏览
國內朋友來港幾日 佢好鍾意飲啤酒 就介紹帶佢去旺角呢間樓上舖 食韓國炸雞一齊暢飲🔸 驚喜二重奏 $258真係有驚喜，點只有正宗韓國炸雞，呢嗰餐仲有石板燒牛扒。 燒牛肉上枱係半生熟嘅，放喺一塊燒得好熱嘅石板上面，啲牛扒油脂仲係霹靂啪響，好香牛味。如果想個牛扒嫩啲食，建議就馬上開動喇，因為塊石板真係好熱，如果一放耐咗，塊石板就會將啲牛肉灸到熟曬， 佢有個鉗畀你可以將啲牛扒翻嚟翻去，要那邊更熟都可以。 牛扒質素相當高級，好嫩口。餐盤嘅另一邊就係炸雞，係原味嘅，有四大枚，基本上就係半隻雞，有齊雞胸、雞膇、上髀肉同全隻雞翼，個雞髀就特別好食，咬落外面脆脆地，裏面雞肉係仍然好嫩滑嘅，韓國炸雞真係名不虛傳，因為佢外面嘅炸粉好有味，但係唔會好厚，薄薄地唔會蓋過雞皮，炸雞嘅火喉控制得相當好， 雞肉係完全熟曬嘅，但係又唔會太柴。味道：8/10性價比：8/10🔸半半炸雞 $208半味炸雞係要咗一半係【大邱辣醬】，一半係【黃金蒜香】大邱辣醬係甜辣味嘅，濃濃甜蜜味食落係比較辣，食得辣才能選這個【大邱】，因為您會發覺越食越辣。黃金蒜香就似蒜香雞，但有別於一般炸雞，這家店無用粉槳厚厚包住雞件，而係腌透雞肉在
🔸 驚喜二重奏 $258
真係有驚喜，點只有正宗韓國炸雞，呢嗰餐仲有石板燒牛扒。 燒牛肉上枱係半生熟嘅，放喺一塊燒得好熱嘅石板上面，啲牛扒油脂仲係霹靂啪響，好香牛味。如果想個牛扒嫩啲食，建議就馬上開動喇，因為塊石板真係好熱，如果一放耐咗，塊石板就會將啲牛肉灸到熟曬， 佢有個鉗畀你可以將啲牛扒翻嚟翻去，要那邊更熟都可以。 牛扒質素相當高級，好嫩口。
餐盤嘅另一邊就係炸雞，係原味嘅，有四大枚，基本上就係半隻雞，有齊雞胸、雞膇、上髀肉同全隻雞翼，個雞髀就特別好食，咬落外面脆脆地，裏面雞肉係仍然好嫩滑嘅，韓國炸雞真係名不虛傳，因為佢外面嘅炸粉好有味，但係唔會好厚，薄薄地唔會蓋過雞皮，炸雞嘅火喉控制得相當好， 雞肉係完全熟曬嘅，但係又唔會太柴。
味道：8/10
性價比：8/10
🔸半半炸雞 $208
半味炸雞係要咗一半係【大邱辣醬】，一半係【黃金蒜香】
大邱辣醬係甜辣味嘅，濃濃甜蜜味食落係比較辣，食得辣才能選這個【大邱】，因為您會發覺越食越辣。
黃金蒜香就似蒜香雞，但有別於一般炸雞，這家店無用粉槳厚厚包住雞件，而係腌透雞肉在加熱前才人手撲上秘製乾粉，令到炸出嚟嘅炸雞乾身鬆脆，炸雞面頭有一片片嘅炸蒜，較重口味😚
基本上每樣都係四枚，有齊雞髀、雞翼、雞胸同上髀肉，半半加埋就係一整隻雞，食得好滿足。
伴碟係用咗好多炸番薯條，都幾甜幾香。
味道：8/10
性價比：7/10
🔸夏威夷阿努哈 $218
呢嗰竟係有多種口味嘅併盤，有炸雞膇、6大隻炸蝦、5個炸洋蔥圈，仲有伴菜玉米、炸蕃薯，品種豐富，口味各有不同，炸蝦超香口，蘸上特式韓國沙律醬，更加惹味😚炸洋蔥圈口感鬆脆，我個人就特別中意食餐廳送嘅酸菜，係白蘿蔔粒，十分清爽，酸酸哋好配炸雞一齊食。
味道：7/10
性價比：8/10
▪️
🔹環境：餐廳卡座十分闊偌，窗邊位置仲可以居高臨下望到旺角街景，最啱喺旺角shopping攰咗就上嚟飲啤食炸雞補充能量再shopping過，所以在場都好多年青朋友🤪
张贴
