龍城冰室

营业中

休息中

夜晚九點想搵地方食嘢，經過呢間冰室諗住入去捧下場。本身揀咗個位因為太大冷氣所以未坐低之前就轉一轉另一邊嘅卡位，禮貌地同職員講一聲，然後有一位職員就”提醒”我哋:坐低咗就冇得轉位㗎啦！我哋就話明白嘅明白嘅，3個人坐低咗叫餐，叫咗咕嚕肉、酸菜魚、薯仔牛柳粒。叫湯嘅時候，怕佢落錯單所以重複咗講多一次:要羅宋湯啊唔該。於是有一個唔知係老闆定係職員嘅人態度不友善地：係呀頭先咪講咗囉你•食物方面，酸菜魚佢嘅魚幾滑，但係湯底偏鹹。咕嚕肉都還可以，味道幾好味。薯仔牛柳粒，牛柳就唔係咁靚，味道一般。•整體而言唔會再去食，其實我哋都係想餐飯姐，唔該前唔該後，冇諗住好似受氣咁，態度真係差到一個點。