明閣 (香港康得思酒店)

話說本身想去w酒店食下午茶點心放題，但係booking full曬，轉去食明閣，點知就瀨野🙄我有個好奇怪既宿命，就係成日都會係食物當中食到一d千奇百怪既東西...包括鋼絲，膠片，曱甴腳等等因為咁，所以我平時都會揀比較好嘅餐廳食飯但係估唔到今次作為米芝蓮餐廳既明閣俾左個嶄新體驗我，就係俾一隻未洗、上面有蜜糖既匙羹我飲湯，我會話犀利👍🏻最誇張嘅係，我同服務員講隻匙羹嘅問題，佢竟然就咁收走咗佢然後話換個碗湯俾我，然後一句都冇解釋亦都冇道歉，就好似冇事發生過一樣。我依家都唔夠膽諗隻匙羹啲蜜糖究竟係佢哋攞嚟不蜜糖不完冇洗擺喺度，定係人哋食完冇洗乾淨，因為我一諗就想嘔。我將呢件事寫喺呢度，佢希望明閣可以跟進同改善，但係我冇影相就俾佢收走咗隻匙羹。講完呢壇嘢，講翻d點心。一言難盡，得叉燒好食，其他加既幾款點心，腸粉爛pat pat，包唔鬆化，芋角有好重既油炸味。最後埋單七百幾，不了。