影片
更多
2022-09-30
1127 浏览
喺太古廣場裏面有間Dimsum Library ，聽個名都知係專食點心嘅餐廳，佢哋嘅點心必定有特別之處，今日嚟睇吓佢有幾精，佢地有個OpenRice Special Menu，總共有五款點心，三款主菜同一款甜品，$720兩位，佢哋嘅裝修較簡約，都係以黑色做主調，同一般嘅中餐廳有啲唔同，碗碟嘅挑選都係非常有心思，等我介紹吓Special menu有咩先😍😍🥟擔擔湯包，黑松露蝦餃&虎蝦XO醬餃🥟黑椒和牛酥&黑炭魚香咸水角🐮青芥末蒜香M9和牛粒🥬石燒大澳蝦醬唐生菜🐷櫻花蝦茴香豚肉炒飯🍮烏燶蛋首先喺點心方面，我覺得佢哋每款點心都非常有特色，上菜嘅時候都係熱辣辣嘅，特別係和牛酥，記住要攤一陣先好食，如果唔係會辣嘴，外層鬆化，裏面嘅餡料亦非常豐富，擔擔湯包裏面嘅肉汁滿瀉，黑松露蝦餃嘅松露味又多又香，蝦仁都非常新鮮爽口，至於佢個XO醬餃賣相非常特別，裏面釀左滿滿嘅菠菜豬肉餡料，面層係佈滿XO醬嘅虎蝦，非常彈牙，而較為最特別嘅就係佢個黑炭咸水角，外脆內軟，仲要有冬菇餡料，令到整體更加惹味🤤🤤主菜方面有M9和牛，佢每粒和牛基本上大細相同，所以比較容易掌握好火喉，令到每一件和牛成熟度相符，同埋有微微嘅蕉香
🥟擔擔湯包，黑松露蝦餃&虎蝦XO醬餃
🥟黑椒和牛酥&黑炭魚香咸水角
🐮青芥末蒜香M9和牛粒
🥬石燒大澳蝦醬唐生菜
🐷櫻花蝦茴香豚肉炒飯
🍮烏燶蛋
首先喺點心方面，我覺得佢哋每款點心都非常有特色，上菜嘅時候都係熱辣辣嘅，特別係和牛酥，記住要攤一陣先好食，如果唔係會辣嘴，外層鬆化，裏面嘅餡料亦非常豐富，擔擔湯包裏面嘅肉汁滿瀉，黑松露蝦餃嘅松露味又多又香，蝦仁都非常新鮮爽口，至於佢個XO醬餃賣相非常特別，裏面釀左滿滿嘅菠菜豬肉餡料，面層係佈滿XO醬嘅虎蝦，非常彈牙，而較為最特別嘅就係佢個黑炭咸水角，外脆內軟，仲要有冬菇餡料，令到整體更加惹味🤤🤤
主菜方面有M9和牛，佢每粒和牛基本上大細相同，所以比較容易掌握好火喉，令到每一件和牛成熟度相符，同埋有微微嘅蕉香，和牛肉質好有咬口，絕對唔老，牛味特別重😋😋，另外唐生菜反而唔係好夠鑊氣，油比較多，食落有啲膩嘅感覺，雖然加咗蒜頭，但爆唔出個香味，有待改善😩，最後一款主菜係豚肉炒飯，佢嘅配料有菜粒，翠玉瓜，米通，櫻花蝦等，炒飯炒得唔錯，佢嘅飯粒粒分明，唔會好油亦都唔會好乾身，食落有一陣櫻花蝦香味👍🏻👍🏻
最後甜品叫烏燶蛋，其實就係烏龍茶味嘅焦糖燉蛋，個名幾有趣，食落都幾特別，烏龍茶味嘅燉蛋比較少見，佢係凍食，所以質感比較實啲，但甜度我覺得係啱啱好，雖然佢有啲焦糖喺面，但整體唔會好甜，都夠滑，烏龍茶味淡淡滲出，唔錯唔錯😍😍
张贴
