影片
更多
2021-01-15
1034 浏览
兩個人叫幾個點心同佢一千二百幾既餐，點心唔好食韭菜角餡料偏少，又油。我見有好明顯一層油，搵紙巾索走啲。太油，我只食一個，食落似連鎖酒樓出品。蝦餃好啲，挺身飽滿；但食落口鮮味唔夠，係彈牙既咁囉，仲有一隻個底穿左。瑤柱菜苗餃，超普通。似出面點心屋，味道好少少，賣三四十蚊既。落單時，侍應都有話效果會點點點。但脆還脆，又係勁淋油既，同埋中間軟既比例好少，似筷子咁粗再幼少少？我覺得脆位太厚，口味睇人啦，我就唔鍾意，所以淨係食咗一舊。上套餐既炸蟹盒，呢個個皮就乾身唔油，對得住佢酒店&米豬連三星要有既功夫，啲蟹肉大量同鮮既。唔會話會嘩一聲既鮮甜好飲，算可以。由於有事，我走先，其實食埋都得既，但食完點心我已經心情食欲上謝謝地。留返俾同行人食，點知佢都打包走。佢話幾好，但佢唔算太鍾意中餐嘅人。外賣盒係咁，好得誇張。四五個圓盒，再加一個長方形盒。服務方面，呢間野我覺得唔似米芝蓮三星；係指佢職員好似佢酒店本身嘅服務質素。（意思係呢間酒店嘅水平，你唔會搵四季或者係半島去比）好耐之前（都係五六年前？唔係好記得）有去過幾次呢度嘅自助餐，今餐食到就係嗰種嘅服務，只係好少少咁樣。無啦啦可能撞啱啦，等佢上茶等好耐，遲我
兩個人叫幾個點心同佢一千二百幾既餐，點心唔好食
韭菜角餡料偏少，又油。我見有好明顯一層油，搵紙巾索走啲。太油，我只食一個，食落似連鎖酒樓出品。
蝦餃好啲，挺身飽滿；但食落口鮮味唔夠，係彈牙既咁囉，仲有一隻個底穿左。
瑤柱菜苗餃，超普通。似出面點心屋，味道好少少，賣三四十蚊既。
落單時，侍應都有話效果會點點點。但脆還脆，又係勁淋油既，同埋中間軟既比例好少，似筷子咁粗再幼少少？我覺得脆位太厚，口味睇人啦，我就唔鍾意，所以淨係食咗一舊。
上套餐既炸蟹盒，呢個個皮就乾身唔油，對得住佢酒店&米豬連三星要有既功夫，啲蟹肉大量同鮮既。
唔會話會嘩一聲既鮮甜好飲，算可以。
由於有事，我走先，其實食埋都得既，但食完點心我已經心情食欲上謝謝地。留返俾同行人食，點知佢都打包走。
佢話幾好，但佢唔算太鍾意中餐嘅人。
外賣盒係咁，好得誇張。四五個圓盒，再加一個長方形盒。
服務方面，呢間野我覺得唔似米芝蓮三星；係指佢職員好似佢酒店本身嘅服務質素。
（意思係呢間酒店嘅水平，你唔會搵四季或者係半島去比）
好耐之前（都係五六年前？唔係好記得）有去過幾次呢度嘅自助餐，今餐食到就係嗰種嘅服務，只係好少少咁樣。無啦啦可能撞啱啦，等佢上茶等好耐，遲我哋入嚟10秒嘅枱，佢叫咗茶都係十幾秒內上咗。
佢上茶都有講唔好意思要你哋等。但係問題係好似叫嗰個炸韭菜角，落單到上枱仲快過佢上茶🧐。 仲有介紹菜式嘅態度同埋禮儀，唔係幾似高級酒店中菜。所以呢一間嘅話我冇咩太大興趣會再嚟，可能隔好耐諗返起會再試試。
张贴
