神燈海鮮酒家 (V Point)

营业中

休息中

依家神燈海鮮酒家做緊全日點心7折，真係好抵。位於銅鑼灣登龍街，環境舒服，唔會太嘈，適合同朋友一齊聚餐。黑松露燒鵝腸粉，一啖咬落去，燒鵝皮又脆又香，腸粉滑溜，黑松露嘅味道唔會太搶，整體感覺幾好。富貴瀨尿蝦餃，餃皮薄，蝦肉鮮甜，加埋蟹子，口感丰富！蜜汁脆燒鱔，外脆內嫩，鱔魚皮燒到有點焦香，蜜汁嘅味道唔會太甜，正好。乾炒牛河，牛肉炒得剛好，河粉沾滿醬油，味道好入味。蛋黃千層糕，層次分明，蛋黃味濃，內層有啲好似糖冬瓜嘅咬口，幾特別。香煎墨魚蝦餅新鮮彈牙，墨魚味濃，真係唔錯。店員好友善，叫餐速度快，服務好。神燈嘅個午茶體驗真係好滿意，值得推介！