影片
开饭介绍
主打海鲜料理的中菜馆，更以足料的阿拉斯加蟹菜式打响名堂；另外经典的特色小炒、创意料理也大受食客喜爱。
继续阅读
营业时间
今日营业
11:00 - 16:00
17:30 - 23:00
星期一至日
11:00 - 16:00
17:30 - 23:00
以上资料只供参考，请与餐厅确认详情
有关奖赏计划
相关文章
片皮鸭就食得多，黑松露版本真系第一次🤣餐厅招牌菜竟然系黑松露玻璃烧鹅🤯 估唔到又几好食！新出嘅黑松露片皮鸭做紧接近半价优惠，我哋食嘅四人套餐，而家都做紧限时72折，几抵食的✨❝ 黑松露玻璃烧鹅烧鹅皮脆肉嫩，黑松露幽香渗入肉质，带来浓郁而高雅嘅层次感，令人回味无穷✨❝ 黑松露片皮鸭全港首创！用黑松露酱风干腌制足足24个钟，与肥美鸭肉完美融合，奢华滋味一试难忘🤤❝ 三小碟（溏心皮蛋、炸豆腐、香汁鸭舌）溏心皮蛋蛋黄溏心流动，入口丝滑浓香，将传统小菜嘅极致演绎！炸豆腐金黄诱人，外脆内嫩，轻咬即释放豆香，配上微咸酱汁，简单食材化身令人满足嘅小食😋香汁鸭舌味道浓郁且带甜，简单却充满风味嘅经典小菜✨❝ 伊比利亚叉烧皇顶级伊比利亚黑毛猪肉制成，叉烧肥瘦均衡，入口软嫩多汁，蜜汁香甜与肉香交织，堪称叉烧界皇者👑❝ 港式特浓鸡汤翅汤底鲜甜醇厚，翅软滑弹牙，暖心又滋补☺️ 不过就略嫌翅嘅份量唔够多🫶🏻❝ 怀旧虾多士用只手打虾膏，炸至金黄香脆，复古风味勾起满满怀旧情怀，令人一试爱上😍❝ 鲜鱼露柠檬蒸老虎斑老虎斑肉质细嫩，柠檬清香渗透鱼身，蒸煮保留鲜甜原味，入口滑嫩，清新酸香令人胃口大开🍋❝ 15年新会陈皮红豆沙陈皮香气独特，红豆沙浓稠细滑，甜而不腻，完美收结一餐甜美体验🍵
继续阅读
老公系网上见好多朋友都介绍话有好多特式点心，所以我地出开铜锣湾就带我同大少嚟食个丰富午餐。酒楼设系地库，环境都好宽敞雅致，仲带有点点古典味道。而整体上嘅座位都好宽敞，没有压迫感。而我地就被安排类似厢房嘅四人坐，有特式之余仲带点点私隐，感觉真系唔错。除了烧味之外，仲有即制即蒸嘅点心，而且种类都多，单睇点心纸都想样样都食呀。先嚟网上极级推荐嘅即烧伊比利亚叉烧皇，叉烧皇肉质鲜嫩多汁，油脂分布均匀，而松软细腻带而个蜜汁酱腌得好够味。表面微焦带嚟层次感，入口非常甘香。 仲有老公大赞嘅蜜汁脆烧鳝，烧鳝外表烧得金黄色，入口酥脆内鳝肉就好厚实鲜嫩，配合埋蜜汁甜味，令人一食难忘。非常特别嘅黑松露烧鹅肠粉，肠粉皮薄又够软滑，入面馅料十足，黑松露烧鹅肉有配浓嘅鹅香再加埋黑松露，估唔到两者个味道系咁夹，绝对系惊喜之作。大少至爱就一定系依个香浓鸡汤蟹肉灌汤饺，灌汤饺非常大只，饺皮亦都够薄，内馅包住蟹肉、鲜虾碎、肉碎等非常足料，而香浓鸡汤都非常清甜，而且饮落唔口渴，应该系冇加味精，整体唔错。带子凤眼饺个饺皮薄而烟韧，内馅嘅虾球好弹牙，加埋面层嘅带子与蟹籽，一齐食口感层次分明。神灯虾饺皇同样都系皮薄烟韧而且包裹著满满的虾肉，肉质鲜甜爽口弹牙。潮州粉果外皮烟韧剔透，胀卜卜嘅内馅都同样足料，有猪肉碎、虾米、沙葛、菜脯、芫茜等，非常丰富有口感。酱皇蒸凤爪味道醇厚，浓郁豆豉香气加上微甜酱汁，口感滑嫩有弹性又够淋身，肉汁满满。
继续阅读
提前订了位去佐敦神灯海鲜酒家食晚饭, 去电时已问有没有特别菜式要先预订, 回应说乳猪烧鹅一定有不用预订.去到预留的台对住风口, 好大风, 同侍应商量, 她转给张内堂用大胶布间开贴住后面的台, 座位好窄, 人气太迫, 出入也有困难, 吾明白这中高档的酒家会有如此格局. 既然来到, 立即叫菜. 点了４款: 黑松露玻璃烧鹅 1/4 只, 拆肉瀬尿虾元贝酿玉环, 古法金钱鸡, 虾酱蒸猪肉筋. 侍应话黑松露玻璃烧鹅须时一个钟, 只好食住等.古法金钱鸡, 每件 $68-. 卖相摆设很粗糙不好看, 中间夹著那块鸡肝太细, 味道 OK, 上面那块肥肉太油.虾酱蒸猪肉筋, 下面是蒸豆腐, 上面虾酱蒸猪肉筋好稔. 虾酱味一般.拆肉瀬尿虾元贝酿玉环, $268- 这个菜比较巧手, 拆肉瀬尿虾及元贝都鲜甜, 元贝酿在瓜圃内, 蒸得颇滑, 加上蟹稃点辍, 真不错.黑松露玻璃烧鹅, 1/4 只 $238-. 足足等了 1:15 分才送到, 此招牌黑烧鹅, 颜色黑漆漆, 并不吸引. 配了两碟酱汁.烧鹅吾肥, 外皮微脆, 肉质一般, 松露味颇淡. 价钱吾平, 可是无惊喜. 座位及服务真的要改善.
继续阅读
我们5位女士叫咗一个四人餐加一个麦皮虾同啫啫西兰花苗， 套餐内所谓嘅翅汤冇乜翅都预咗，但饮完之后原来劲多味精要叫返一支可乐嚟解味精 黑松露烧鹅又鞋飒飒。 柠檬蒸鱼 啲柠檬汁都盖唔过啲 鱼腥味而且肉又实 (但系呢间仲自称系海鲜酒家) 麦皮虾啲虾系大只 不过系梅嘅。 啫啫西兰花苗伙记落错order变咗清炒， 换返出嚟𠮶煲菜相信只系把之前的清炒菜 再放返喺煲仔度拎返出嚟所以啲菜系淋bet bet一啲都唔爽脆。 只有叉烧可以。 虾多士也ok面包不会太油。 整体嚟讲差。
继续阅读
前排十号风球”韦帕”袭港，担心饭局吃不了，幸好4点零改挂八号，感激酒家提早备料和准时营业，令饭局可以顺利进行。9个人叫咗两个烧鹅套餐+1只炸鸡+1个炒饭黑松露玻璃烧鹅套餐 $988====================🥢三小碟 (手摇溏心皮蛋、点止炸豆腐咁简单、香汁鸭舌)⭐️⭐️⭐️⭐️皮蛋屋企人觉得唔错，豆腐同鸭舌带点卤水味，几香几好味。🥢伊比利亚叉烧皇⭐️⭐️⭐️唔系肥瘦参半，所以口感唔算软腍，唔称得上叉烧皇。🥢港式特浓鸡汤翅⭐️⭐️⭐️⭐️质地较稀，但味道唔错，鸡丝同鱼翅口感唔错。🥢怀旧虾多士⭐️⭐️⭐️⭐️多士够薄脆，虾够大只又弹牙，配他他酱好好味。🥢鲜鱼露柠檬蒸老虎斑⭐️泰式明炉鱼嘅汁配老虎斑，斑系新鲜肉嫩，但味道系格格不入，嘥咗条靓鱼。🥢黑松露玻璃烧鹅⭐️⭐️⭐️⭐️一上枱就闻到松露味，入口味道更香浓，皮脆肉嫩滑多汁，真系一试上瘾。🥢15年新会陈皮红豆沙⭐️⭐️因为台风，师傅赶唔切煲红豆沙，所以改做椰汁桂花糕，呢个我觉得一般，但就唔会太甜。 散叫====🥢生炸黄油鸡 $328⭐️⭐️⭐️鸡皮唔够脆，肉唔算好juicy，我觉得一般。🥢神灯一品炒饭 $168⭐️⭐️⭐️⭐️有镬气，饭粒粒分明，材料简简单单已经好好味。🥢清炒西兰花苗⭐️⭐️⭐️⭐️最抢手嘅一道菜，西兰花苗够嫩够脆带点香甜，好好味。 九人共消费: $3000 (免切饼费、免开瓶费)
继续阅读