點心到 MIX·大排檔

营业中

休息中

都話過食點心唔洗一定去茶樓嘅。宜家有好多點心店，淨係食點心，一個人去食又得，四個人食又得。今次嚟到呢間點心到嘅分店，叫咗另一部分精選，基本上茶樓有嘅佢都有，而且仲有奶茶咖啡紅豆冰飲添。肚餓先叫個蒸飯，籠子金銀蒜海蝦飯，蒜香味十足，蝦味已經滲晒落去啲飯入邊，非常惹味。鍾意飲湯嘅朋友呢度啲燉湯其實都唔錯，飲咗個杏汁燉白肺，燉到出曬味，必飲。再叫咗幾個點心，黑松露菜苗餃，比較新派，清爽鮮甜。鵪鶉蛋燒賣，唔係度度有得食。鮮竹卷用咗豆漿去煮，清新唔油膩。如果喺屋企樓下有間咁嘅餐廳就好啦。