翠亨邨 (新世界大廈)

营业中

休息中

環境2分：正常中餐廳格局，二人枱有隔開一點五米，不過樓面超矮，五成入座率都好嘈，畀盡兩分。衛生5分：地方餐具好整齊同乾淨，衛生可以畀五分。服務4分：滿座顯得唔夠人手，食物出得慢，不過服務員態度好，不停道歉，係咁依減佢一分。味道0分：1)     個金瑤蘿蔔絲酥一定係用千年油整，個油益味勁到呢，係令到你唔想食埋舊野咁差。2)     筍尖鮮蝦餃正正常常，爽口彈牙皮唔厚。3)     香荽叉燒腸粉出曬事啦，腸粉竟然係又厚又韌，入面D叉燒又凍又乾仲要硬。4)      蟹籽鮮肉燒賣大大粒，爽厚又夠鮮，點心中最好食。5)     瑤柱蒸蘿蔔糕又硬又實，食完決定走人。6)      個脆麻花係送嘅，因為發生落錯單問題。脆麻花非常之鬆化同脆，又唔太甜，好食過Ｄ點心。抵食0分：茶錢點心一D都唔平，質素差到未飽就埋單，絕對唔抵食，零分。