樂天皇朝 (雅蘭中心)

营业中

休息中

相信大家對呢間中菜館都唔陌生，主打八色小籠包，皮薄餡靚，由淡味食到濃味，打卡之餘又好食。除此之外佢哋其他菜式都一樣咁高質，勝在款式夠多，價錢親民，老少咸宜，難怪平日晚上都Full House，想食嘅建議提早Book位。餐廳今年自己舉辦咗個樂天廚師大賽，由各分店嘅熱炒及點心部師傅參與，精選咗6道入圍菜式，試咗兩款分別為黑芝麻蓉包同香煎薯仔軟餅，前者帶啖啖芝麻香氣，口感濃稠且唔甜、後者煎至酥脆可口，入邊有粒粒口感，值得一試。私心推介上海生煎包同竹炭流沙包，份量唔少，前者煎得香酥甘脆，皮薄，咬落有肉汁、後者外皮鬆軟，內餡口感綿密，甜而不膩，甜、香、滑 一啖咬開，令人一試愛上。唔夠飽嘅可以要炸刀切小饅頭，點埋煉奶好好食。最後以擂沙湯丸作結，係滿足嘅一餐。