牛大人台灣火鍋吃到飽 (瓊華中心)

营业中

休息中

呢個星期凍咗好多❄️琴日去咗旺角瓊華中心呢間牛大人食打邊爐🍲夜晚七點幾店內係座無虛席 我哋叫咗日本黑毛和牛A4套餐 湯底叫咗紅燒牛骨鍋❤️ 呢個套餐係可以任食黑毛和牛 黑毛和牛嘅品質非常之好 入口即溶💗然後套餐仲可以叫伊比利亞豬 豬肉嘅品質都係好好 唔會有豬臊味🫶🏻 呢個套餐仲包可以叫鮑魚 我最推介係古法醉鮑🫶🏻鮑魚係爽口彈牙得來唔韌😚 另外呢個餐一嚟就會送一個海鮮拼盤同埋和牛牛丸 海鮮拼盤嘅海鮮係好新鮮😍除此之外，我仲想推介牛大人啲小食 佢嘅台灣腸甜不辣鹽酥雞都係好好食😳老實講，我覺得如果香港嘅任食打邊爐嚟講牛大人應該算係No.1 先唔講肉嘅品質 佢即使係配料都做得好好 唔係求其俾啲嘢人食嗰種感覺😳 佢最平嘅套餐，其實二百幾蚊就有 我覺得CP值嚟講都好高 當然啦，今次我呢個套餐係要四百幾蚊一個人 但係我覺得係值嘅 如果你食幾盤黑毛和牛其實已經回本😋