Hakata Concepts

呢餐廚師發辦真係一流，成個過程食到由頭正到尾！刺身一上枱已經俾個驚喜，三文魚滑溜溜、鮑魚夠爽口，甜蝦仲帶住少少天然嘅甜味，好新鮮！壽司部分更加係亮點！海膽冇腥味，入口即溶；拖羅油脂分佈完美，咬落去有種入口即化嘅感覺；魷魚雖然簡單，但口感煙韌，加埋微微嘅醋飯酸香，真係平衡到啱啱好。仲有嗰個海膽太卷，真係有驚喜！一啖咬落去，海膽嘅濃郁味道再加埋芝士，估唔到都幾夾！最後嗰個柱貝三文魚子撈飯，簡直係完美嘅壓軸！柱貝爽甜，三文魚子爆開嗰陣滿口鹹香，配埋飯啲汁滲晒落去，味道層次超豐富！呢餐兩位連加一都係一千蚊左右，真係值回票價，食材新鮮廚師真係用心做，每一道菜都充滿誠意！依家仲有指定午市套餐第二位半價優惠，好抵食！