影片
更多
2025-07-08
86 浏览
行過黃大仙中心，無意間發現呢間充滿媽媽味道嘅滬菜館「上海婆婆」，主打家常風滬菜，價錢親民、份量足，啱晒一家人或朋友聚餐😋🥣 砂鍋雲吞雞（$188）成隻黃油雞坐落奶白雞湯之中，熱辣辣上枱即見真章！雞肉嫩滑入味，雲吞皮薄餡靚，湯底用心熬煮，有濃濃雞香同娃娃菜清甜，夠晒暖胃！🍲 鮑魚大蝦粉絲煲（$188）煲仔一上檯香氣四溢，鮑魚彈牙、蝦肉鮮甜，配上吸晒精華嘅粉絲超入味。醬汁微辣微甜，伴飯一流，絕對係全場MVP！🥚 干貝賽螃蟹（$88）蛋白滑溜、帶子鮮甜，口感軟綿如蟹肉般細膩。點綴上少許瑤柱絲提升香氣，味道清而不寡，是道極具誠意的家常小菜。🍛 黃金炒飯（$82）色澤金黃、粒粒分明，炒得乾爽不油膩。加入粒粒火腿、蛋花、蔬菜，味道簡單但好食，配咩餸都掂。🍜 濃湯嫩雞煨麵（$62）湯底奶白濃郁，啖啖膠質感，雞肉細嫩、煨麵吸盡湯汁但不糊，屬高性價比選擇，一人獨享都飽飽哋。🌶️ 酸菜福花菜炒牛仔肉（$92）酸菜微酸開胃，配搭牛仔肉絲同炒雜菜，鑊氣十足。牛肉爽滑，福花菜吸晒汁，幾有驚喜，成碟炒得乾身又香口。鍾意食家常滬菜又唔想破費，呢度真係值得一試，價錢合理、環境企理，食完有種「返屋企」嘅溫暖感☺️
行過黃大仙中心，無意間發現呢間充滿媽媽味道嘅滬菜館「上海婆婆」，主打家常風滬菜，價錢親民、份量足，啱晒一家人或朋友聚餐😋
🥣 砂鍋雲吞雞（$188）
成隻黃油雞坐落奶白雞湯之中，熱辣辣上枱即見真章！雞肉嫩滑入味，雲吞皮薄餡靚，湯底用心熬煮，有濃濃雞香同娃娃菜清甜，夠晒暖胃！
🍲 鮑魚大蝦粉絲煲（$188）
煲仔一上檯香氣四溢，鮑魚彈牙、蝦肉鮮甜，配上吸晒精華嘅粉絲超入味。醬汁微辣微甜，伴飯一流，絕對係全場MVP！
🥚 干貝賽螃蟹（$88）
蛋白滑溜、帶子鮮甜，口感軟綿如蟹肉般細膩。點綴上少許瑤柱絲提升香氣，味道清而不寡，是道極具誠意的家常小菜。
🍛 黃金炒飯（$82）
色澤金黃、粒粒分明，炒得乾爽不油膩。加入粒粒火腿、蛋花、蔬菜，味道簡單但好食，配咩餸都掂。
🍜 濃湯嫩雞煨麵（$62）
湯底奶白濃郁，啖啖膠質感，雞肉細嫩、煨麵吸盡湯汁但不糊，屬高性價比選擇，一人獨享都飽飽哋。
🌶️ 酸菜福花菜炒牛仔肉（$92）
酸菜微酸開胃，配搭牛仔肉絲同炒雜菜，鑊氣十足。牛肉爽滑，福花菜吸晒汁，幾有驚喜，成碟炒得乾身又香口。
鍾意食家常滬菜又唔想破費，呢度真係值得一試，價錢合理、環境企理，食完有種「返屋企」嘅溫暖感☺️
张贴
