Flames (黃埔天地)

营业中

休息中

今日又到黃埔吉之島買嘢，好掛住哩間西餐，咁encore啦。Ginger Ale同凍檸茶，凍檸茶茶底好香，搭配披薩一流。避風塘雞翼，雞翼炸得啱啱好。皮炸得脆啵啵，肉仲好嫩滑。雞翼預先醃制過，唔洗點醬都好夠味。慢煮雞胸車厘茄香草醬扁意粉，雞胸煮得好夠水準，食落一D都唔柴。香草醬味道好特別，食落忌廉味多D，有少少洋蔥味道，每一啖意粉都嗦曬醬汁，超好味。海鮮香草茄醬薄餅，分量好大。薄餅即叫即蒸，送上來仲熱笠笠。薄餅焗得好脆，每一件薄餅上都有蝦，三文魚同魷魚，料好足TIM，番茄醬同薄餅好夾，食落好惹味。哩間一直係黃埔嘅食堂，食咗咁多年，質素都係keep得好好，值得encore！