Flames (黃埔天地)

营业中

休息中

今日同男朋友去左紅磡食西餐，餐廳氣氛幾好，圓梳化座位設計，朋友聚會的話都份外親近。加上店員都好主動親切，有熱情既推介，好快會幫手換碟，同查詢客人對餸菜滿唔滿意。南瓜忌廉湯$48味道濃郁、南瓜蓉好甜又滑身，非常開胃。蟹肉巴馬臣芝士脆脆蕃茄忌廉汁通粉 $138蟹肉碎同蕃茄忌廉汁非常夾，配上大量芝士碎唔會覺得膩，通粉軟硬度剛好，好有咬口，每條通粉都掛滿醬汁，好滋味，值得再次品嘗。照燒汁金獅魚柳$198呢個一定要讚，非常惹味，煎得好香脆，皮脆得黎完全冇燶冇苦，魚肉鮮甜嫩滑。即叫即燒再上菜，入口都有陣陣燻香味。魚柳下面放滿薯菜，軟熟既薯仔，爽脆既翠肉瓜，吸收左魚汁嘅鮮味，真係非常推薦。巴馬火腿凱撒沙律$118巴馬臣火腿味道濃郁而突出，沙律菜新鮮，芝士粉及醬汁分量充足。朱古力蛋糕$68面頭嗰層朱古力暮絲非常幼滑，朱古力味濃郁，中間一層脆脆，再夾多層朱古力先到餅底，口感豐富好有咬口，一層軟夾一層脆非常好食。