影片
更多
2010-01-12
95 浏览
是晚係同班舊同事聚舊同慶生飯，皆因13個人入面有4個都一月生日！一行十三人，十一男，二女！七點半我地四人先到，拎台，由於街市熟食中心有幾檔大排檔，拉客情況嚴重，所以大家如果有target，就小心問清楚先坐低!!阿姐們一聽到我地13 個，勁好態度，即刻幫我地加大張台！4個人服待我地！好! 七點半坐低，一路等到成八點半都未人齊!其間只叫兩支汽水，我都覺得好似好阻住人地禁！不過去大排檔就係有呢個好處！你做咩，基本上都唔會理你！總之你就唔好嫌人地服務差！我特別喜歡大排檔！所以今晚餐飯食得自在，食得開心！好！餐單！ 先黎羊楠煲，唔夠羶！但係餓鬼一班，一見有野食就清曬！加左碟肥牛，係雪花，但係都唔係好夠肥！呢度既羊楠煲暖下胃都ok，其望唔好太高！湯反而唔差！夠濃!蜜汁豬仔骨，我想講，碟野一落台，我都未伸手轉佢過黎影相，就已經無曬！皆因碟內只有六舊！實在O咀，所以唯有叫多碟！好彩今次喝住大家，唔係都唔洗只意影到佢！蜜汁好味唔太甜唔太漏！！高水準！肉夠嫩，易甩！炸得好香！好惹味！豉椒炒聖子，勁咸！！！但份量夠！起碼13個人都有機會食！又大隻，都新鮮，彈牙！西檸雞！炸得香脆！雖然層粉厚，但勝在連粉都好味
一行十三人，十一男，二女！
七點半我地四人先到，拎台，由於街市熟食中心有幾檔大排檔，
拉客情況嚴重，所以大家如果有target，就小心問清楚先坐低!!
阿姐們一聽到我地13 個，勁好態度，即刻幫我地加大張台！
4個人服待我地！好! 七點半坐低，一路等到成八點半都未人齊!
其間只叫兩支汽水，我都覺得好似好阻住人地禁！
不過去大排檔就係有呢個好處！
你做咩，基本上都唔會理你！總之你就唔好嫌人地服務差！
我特別喜歡大排檔！所以今晚餐飯食得自在，食得開心！
好！餐單！
先黎羊楠煲，唔夠羶！但係餓鬼一班，一見有野食就清曬！加左碟肥牛，係雪花，但係都唔係好夠肥！呢度既羊楠煲暖下胃都ok，其望唔好太高！湯反而唔差！夠濃!
蜜汁豬仔骨，我想講，碟野一落台，我都未伸手轉佢過黎影相，就已經無曬！皆因碟內只有六舊！實在O咀，所以唯有叫多碟！好彩今次喝住大家，唔係都唔洗只意影到佢！蜜汁好味唔太甜唔太漏！！高水準！肉夠嫩，易甩！炸得好香！好惹味！
豉椒炒聖子，勁咸！！！但份量夠！起碼13個人都有機會食！又大隻，都新鮮，彈牙！
西檸雞！炸得香脆！雖然層粉厚，但勝在連粉都好味，姑且原諒你！雞肉嫩滑！個汁甜酸適中！！！實在好味！好香！好味過酒樓個D多多聲！超高水準！！一流！推介！
沙窩魚頭煲！超大魚頭！炸到D骨可以吞落肚！好夠味！中意食骨食味既人一定中意！魚肉亦嫩！入味！可惜只試了兩塊骨，就比友人們清曬！
炒蟹飯！全晚最差！！貨不對板！除了蟹蓋上的少量蟹糕外！呢個飯真的一文不值！！食落似我唔舒服時，加鹽落白粥食既味！完全係鹽炒飯！好難食！！！！仲有D乾炸蒜，令到本身已經乾既飯更乾!! 蟹亦唔見得多肉！
椒鹽賴尿蝦！唔好意思，我一隻都食唔到！影完張相，D蝦就已經唔見曬！
西蘭花班塊！都係完全無食過，唔知咩味！不過食左兩條被遺下既糾黃，無乜味！
豉汁蒸鱔！又係超咸！連我食開勁咸既都覺得佢咸！睇黎男人們都係唔好食禁多，對個腎唔好！哈哈！但係條鱔應該好新鮮，好滑，皮爽彈性高！唔錯！賣相亦相當吸引！我的最愛，但都只係食左一舊
沙嗲金菇肥牛煲！麻麻地！牛肉好老！粉絲本應索曬D汁會好入味！但都食唔到沙嗲既香味！而且略唔夠芽菜，令到個煲野既口感唔夠好！
蝦醬炸雙菇！碟上有三菇，算唔算驚喜？好味！蝦醬應該係高級貨！但獲氣差少少！但我中意！男人們好似對佢無興趣.........
蠔餅！我地今晚既笑料之一！味道同西多士有96%相似，另外4%係無花生醬！！勁厚！係炸雞蛋餅！眼見有幾隻好大隻既蠔！但完全食唔到蠔味！加蜜糖牛油應該會好食！
椒鹽鮮魷！又一佳作！！香味滿分！椒鹽不會有胡椒粉未！魷魚彈牙，新鮮！！亦唔會話難咬開！但又唔係梅喎！我呢隻魷魚怪簡直想成碟食曬！可用齒"夾"留香黎形容！！推介
炸子雞！一向唔中意炸子雞既我，雖然隻雞出其嫩滑!但仍然打動唔到我！呢隻炸子雞咸得過份，無雞味，食落都過得去！不過我唔會叫佢！食左一舊已經唔想再食！實在太咸! 我已經無點鹽！！！我唔想破壞雞係我心中既聖性地位！
黃金蝦！不嬲都好想食既一個菜！不過成日都擔心我既膽固醇level！今日天助我也，友人叫左，唯有迫於無奈食啦！哈哈哈哈！滿心歡喜！咬左一啖蝦頭！開心！因為蝦味夠，咸蛋黃的油直入喉嚨！yummy !!!但係再食落去！蝦身雖被炸，但係蝦殼不覺香脆，反而覺得太軟，加上好似唔太夠咸蛋黃！只係薄薄一層！滿足唔到我對咸蛋黃既慾望！可能禁岩我個隻係禁！因為眼見都覺得幾多蛋黃！只怪我唔好彩！但借得一試！但蝦肉唔見得彈牙！亦細隻！都係返去北角東寶先食！！！
豆豉鯪魚炒菜！菜煮得太耐，好"諗"
荔芋臘味煲！我地一開始就叫左，到我地叫左幾輪野食都味到！荔芋唔香，臘味又唔好味！潤腸多！但唔見臘肉！可能比人夾左掛！超多荔芋！個汁好浠！好明曬趕住，味整好！荔芋又硬！！差！
炸大腸！唔錯！酥脆！比起好多間，算係最好！！唔乾，亦唔硬！正！！大少適中一啖一件！！！
黑椒牛仔骨！洋蔥多過牛仔骨！牛仔骨唔韌，但黑椒味唔夠！都係得個咸字！
其中五至六個人飲啤酒大約16-20支！上半場係budwiser，不是我杯茶，飲左一杯！下半場係我既Carlsberg，真高興 !! 但個啤酒姐姐就budwiser靚D!!
加多10支汽水！埋單一人100蚊！！！
整體既水平，大排檔黎講黎係高既！唯一要改善係太咸同漏單！成日要我地追！
可能因為我地多人！份量唔夠！！又無叫飯！唔係有D啤酒落肚，連食過野既感覺都無！
我唔飽
但係呢餐飯，係歡笑聲中度過！！同班男人一齊食，乜都食，無拘無束！
其實每次同佢地食飯都食得好開心！好滿足！只係次次都食得貴
同一班麻甩佬食，加埋大排檔既氣氛，一邊飲啤酒，一邊勁大聲講野！無得頂！
繁忙既工作過後，同大家禁樣食餐飯，減減壓真係人生一大樂事！
期待下次再戰"餓"頸橋！哈哈
张贴
