讲起鹅颈桥街市，原本只系谂起湿漉漉同埋热，今次完全改观！冷气够冻、环境算干净企理，充满热闹嘅大排档风情。全场得一个厨房，当全场爆满出菜需时，最重要系全部即叫即炒，𩠌菜一道道陆续上枱，热辣辣，反而令人有种慢慢食、慢慢叹嘅节奏。每道菜嘅份量都超大，价钱亲民，镬气够味道正，绝对系令人会想再encore！煎蚝饼 必食之选！份量多，蚝仔大大粒，每一啖都食到鲜甜肥美嘅蚝仔。粉浆厚度删好，煎到金香酥脆，入口「索索」声，但唔油腻，正！椒盐九肚鱼 炸粉够薄，完美锁住九肚鱼嘅水份。一啖咬落去，外层香脆无比，里面嘅鱼肉好似豆腐花咁，入口即溶！蜜糖猪仔骨 每件超大旧，仲可以按人头安排。外层带少少焦香，肉质好淋滑，轻易离骨，加埋蜜糖汁，超满足！ 炸子鸡 (半只)鸡皮炸得够脆，色水亦好靓，但鸡肉有少少过火，食落稍为干身。翠塘豆腐食咗咁多香口嘢，呢个正好平衡返。蒸蛋同豆腐好嫩滑，加上鱿鱼同鲜虾粒，几鲜味吓。福建炒饭里面有齐鸡肉、虾仁、香菇等材料，芡汁味道及浓稠适中。芝士西兰花系龙虾伊面嘅芝士汁，浓郁creamy，如果可以切细旧少少，会更易入口同索汁。…查看更多
