影片
更多
2025-08-10
353 浏览
記得以前有一段時間喺海濱匯返工，同事個個都話呢度係美食沙漠，好在之後開咗呢一間Flame，啲烤雞好正，啱晒我哋呢啲鍾意食高蛋白質減肥嘅OL，之後我哋就開展咗一個星期最少食三次雞嘅旅程。轉咗工之後，好耐都冇嚟，發現佢哋而家原來同Mano合併咗，座位更多，而且環境比以前再舒服咗，今次係星期六過嚟，冇咗平日上班嘅熱鬧感，多咗幾分Chill感。½葡式香辣燒雞配薯條：燒雞味道依然，外皮紙薄香脆，整體唔會太油膩，雞肉滑嫩多汁，加上綿綿密密嘅即炸薯條，整體都很不錯。8安士紐西蘭肉眼扒配燒蔬菜：見到有其他人叫又忍唔住叫，肉質幾軟，但又不失彈性，簡簡單單嘅調味已經好食，個人覺得五成熟啱啱好，不過如果要牛同雞裏面逼我揀一個嘅話我都係最鍾意佢哋嘅雞，可能畢竟有啲回憶嘅情懷喺入邊。另外推介試吓佢哋嘅南瓜湯，好似將南瓜打蓉咁樣好濃南瓜味。咖啡質素都中上，口味比較fruity少少，幾清新。～～Flames (觀塘)觀塘海濱道77號海濱匯1樓2號舖
轉咗工之後，好耐都冇嚟，發現佢哋而家原來同Mano合併咗，座位更多，而且環境比以前再舒服咗，今次係星期六過嚟，冇咗平日上班嘅熱鬧感，多咗幾分Chill感。
½葡式香辣燒雞配薯條：燒雞味道依然，外皮紙薄香脆，整體唔會太油膩，雞肉滑嫩多汁，加上綿綿密密嘅即炸薯條，整體都很不錯。
8安士紐西蘭肉眼扒配燒蔬菜：見到有其他人叫又忍唔住叫，肉質幾軟，但又不失彈性，簡簡單單嘅調味已經好食，個人覺得五成熟啱啱好，不過如果要牛同雞裏面逼我揀一個嘅話我都係最鍾意佢哋嘅雞，可能畢竟有啲回憶嘅情懷喺入邊。
另外推介試吓佢哋嘅南瓜湯，好似將南瓜打蓉咁樣好濃南瓜味。
咖啡質素都中上，口味比較fruity少少，幾清新。
～～
Flames (觀塘)
觀塘海濱道77號海濱匯1樓2號舖
张贴
