Flames (海濱匯)

平日聽到觀塘區，就會即刻諗起上下班時間全都是人的可怕畫面，但係到weekend 就好似變咗另一個世界, 一個好休閑嘅世界剛過去一個月內去咗上海和重慶，感覺很久沒吃過西餐，到Weekend約男友陪我嚟呢度食西餐和影相因為有個地方一直都想去打卡, 就係偉業街行人天橋, 係電影《志明與春橋》嘅拍攝地方之一當日天氣非常好, 有藍天配白雲, 所以d相點影都唔使filter如果秋涼時坐outdoor都好寫意同好舒服中午12點多嚟到, 呢個位置雖然有少少偏, 但都不缺客人, 見有幾檯都係一家大細, 可能附近有play group班weekend有brunch set, 每個餐都是百多元, 抵吃主食揀咗: 半隻葡式烤雞配薯條我覺得佢比平時D春雞大隻D又厚肉D, 個皮又唔肥, 烤到微焦帶少許脆, 呢個主菜都唔錯, 唔係因為食完d粗薯飽, 而係食完半隻雞都飽咗另外一份係Fish & Chips, 又係勁大份, 皮脆厚肉, 通常邪惡嘅食物最得我地歡心大人同小朋友都喜愛配咗他他醬, 好好食發覺呢個主菜的粗薯和葡式雞的粗薯味道是不一樣葡式雞那個是灑了點辣粉, 可以食到兩款味, 唔錯最後我加咗$35換咗一份是日甜品: Tiramisu又估唔到幾出色, 好creamy又有咖啡味, 為呢餐畫上完美句號每人$200有找, 連大食男友都食唔哂一份餐, 真係好抵食食飽飽之後就緊係去影相啦, 志明橋正正就起呢座商廈嘅隔離建議食完去打卡消化下由於星期六日真係無咩人, 任你影幾耐都得, 又唔尷尬終於嚟到志明橋打卡, 又食餐好味西餐, 是日大滿足!…Read More

肉眼扒配忌廉薯蓉非常出色，輕烤過的厚切牛扒肉質細嫩而不失嚼勁，肉汁豐富，味道濃郁無比，輕輕灑上鹽分已能帶出濃厚肉味，配搭軟滑薯蓉更添惹味。蟹肉巴馬臣芝士蕃茄忌廉汁通粉滿有水準，蟹肉鮮甜份量不少，煙韌的長通粉掛滿Creamy的巴馬臣芝士蕃茄忌廉汁，每一口都滋味無窮。夏威夷薄餅由俄勒岡葉、聖馬札諾蕃茄、馬蘇里拉芝士、火腿及菠蘿即烤而成，鹹香的大片火腿配上濃郁芝士及蕃茄醬，香甜的菠蘿再多一番juicy口感。…Read More

天氣好好，約咗朋友去觀塘海濱散步打卡，順便喺附近食個brunch，然後就搵到位於海濱匯嘅依間西餐廳 Flames，牛頭角地鐵站行過嚟大概10分鐘左右，都唔算好遠。餐廳環境安靜，座位寬敞，有部份座位就喺落地玻璃旁邊，望住出面嘅草地，天氣涼的時候，食完飯行出去吹吹風都幾寫意。⭐️千島煙肉菠蘿安格斯牛漢堡配薯條安格斯牛肉煎得外脆內嫩，煙肉加菠蘿嘅組合意外夾，千島醬酸甜帶煙燻味，咬落去汁水四濺，菠蘿清新解膩，配埋香脆薯條，份量夠晒飽肚，一餐搞掂好滿足，性價比高，⭐️香草蕃茄牛面肉焗芝士黃薑蕃茄飯牛面肉焗得軟腍入味，香草同黃薑嘅香氣直衝鼻，蕃茄汁酸甜掛滿飯粒，焗芝士層層拉絲，牛肉味濃郁，健康又滋味，食完暖笠笠！⭐️香蕉榛子朱古力醬薄餅薄餅底鬆脆煙韌，香蕉片鮮甜搭配榛子朱古力醬濃郁滑溜，焗到邊邊微焦香噴噴，甜度適中唔膩，咬落去層次豐富，好似食緊 kinder 繽紛樂加棉花糖，幸福感滿滿，係今餐嘅完美收尾，甜品控天堂！📍 Flames (觀塘)觀塘海濱道77號海濱匯1樓2號舖…Read More

《Flames》 觀塘意大利餐廳，設有室外和室內座位，呢仲有個半開放試厨房，即叫即煮。而裝潢方面，時尚型格，光線柔和，予人寧靜舒適嘅感覺。✨️巴馬火腿伴烤菠蘿哈密瓜$118巴馬火煺鹹香柔軟，蔬菜翠綠新鮮，底部嘅菠蘿十分多汁。✨️香煎三文魚柳 $218配松子仁炒菠菜葉，菠菜葉新非常新鮮，煎三文魚啖啖肉，魚肉上面有鮮甜蟹子。✨️自家製甜品芒果慕斯蛋糕芒果慕斯上面有芒果醬 和 新鮮雜果，果味香濃。✨️San Pellegrino $38牌子有氣水，味道正常發揮。伴有青檸檬 和 冰 , 添醒晨又冰凍解渴。…Read More

極少去牛頭角，今次由阿妹帶我去食好嘢，這間餐廳在商廈一樓，星期六下午兩點只有三分一客人，點了安格斯牛肉漢堡配薯條，牛面頰黃薑蕃茄飯，無論賣相和味道都好吸引，甜品點了香蕉朱古力棉花糖pizza，好好味大滿足，套餐加了$18配蘋果汁，飲品質素來說好像貴了點。…Read More

【🍽️觀塘Flames (The Quayside)｜海濱旁的愜意西餐時光🌊】位於觀塘海濱匯的Flames餐廳，環境乾淨舒適，裝潢充滿現代感，暖色燈光營造出放鬆有情調的氛圍。最吸引人的是設有露天座位，讓你可以吹著海風享受美食，特別愜意。員工服務親切有禮，讓人倍感貼心。這裡的蘑菇湯🍄香濃滑順，口感豐富；Aloha Pizza🍕餅底薄脆，鋪滿火腿和菠蘿，鹹甜交織非常開胃；Short Ribs Tagliatelle🍝的牛肋肉燉得軟嫩入味，寬麵條掛滿濃郁醬汁，令人回味無窮。整體食物水準不錯，份量也足夠。人均消費約$250💰，以這樣的環境和食物質素來說，性價比很高。無論是平日下班放鬆，還是周末想chill一下，這裡都是不錯的選擇！ #觀塘美食 #海濱餐廳 #FlamesTheQuayside #西餐推薦 #香港好去處…Read More

之前嚟過呢間餐廳嘅其他分店，海濱匯呢一間係第一次，因為始終覺得地點唔太方便，不過有朋友喺呢邊返工，經佢介紹後，我又覺得冇想像中咁唔方便😅因為始終可以行吓海濱長廊🌊🍌🍕BANANA NUTELLA PIZZA $88今次我想重點推介呢款甜點😍Pizza比我想象中大份好多份量簡直同Main course一樣，香蕉味非常濃郁，爆多棉花糖配襯Nutella醬，建議呢款甜品可供4人享用，因為2人的話實在太飽了！🐮🍟NZ RIB EYE STEAK (8oz) $2088安士紐西蘭肉眼扒配薯條建議大家可以order牛扒熟度 “medium”，因為呢個level肉質先可以有種入口溶化感覺，上次朋友order咗medium well, 但肉質冇今次咁軟熟Juicy😅😅😅而今次嘅薯條炸得非常之脆👍🏻🍄‍🟫Soup of the day$15蘑菇忌廉湯Set Drink- Creamy Milk Tea🍄‍🟫🍕PORTOBELLO PANCETTA $138意大利大蘑菇煙肉薄餅外皮香脆，內心鬆軟唔錯，我個人比較鍾意批皮厚，食落先至覺得有口感，呢個批嘅煙肉原塊上，唔似其他餐廳切碎晒，放一d唔放一d，所以我幾欣賞佢放足料😌…Read More

✨今日到訪Flames牛頭角分店，商場裏面好大塊落地玻璃，全店非常寬敞，視野廣闊，環境好坐，一個好適合聚會、吹水好地方。***** ***** ***** ***** *****是日餐湯是蘑菇湯🫕充滿香濃的蘑菇味道。是日沙律是一個螺絲粉，味道清幽微辣，使人開胃。葡式香辣燒雞配薯條🍟雞皮鬆脆不油膩，肉質鮮嫩多汁，咬落啖啖肉，味道豐富好味；配搭的厚身薯條外脆內軟，熱辣辣金黃色。意式辣肉腸薄餅🍕薄餅批底香脆，辣肉腸帶出惹味辛香。最後享受一杯順滑香濃的美式咖啡☕️…Read More

Flames｜牛頭角｜平日晚餐｜海濱匯超好味手工Pizza觀塘海濱匯的Flames意大利餐廳，裝潢時尚，用餐環境寬敞舒適，室內外座位任揀，氣氛輕鬆，非常適合收工聚餐或情侶約會。📝 所點菜式🌽 Side — Roast Vegetables鮮蔬經炭烤後帶出天然甜味，口感濃郁又健康，是很好的前菜或配菜。🍕 Homemade Pizza 10” — Nduja 薄底即叫即製，邊位香脆，餡料豐富，特別辣味 Nduja 香腸味道獨特，融合芝士和番茄醬，鹹香惹味。🐖 Suckling Pig燒乳豬外皮金黃脆卜卜，肉質軟嫩多汁，入口滿載香氣。搭配薑黃番茄飯，米飯微帶薑黃香及鮮甜番茄味，顏色吸引，風味層次豐富，完美承托住乳豬的油香和濃郁口感，是Flames的必吃推介。無論是視覺還是味覺都令人滿足，非常適合分享。🍗 Roast Whole Peri Peri Spring ChickenFlames 招牌菜之一，雞肉鮮嫩多汁，刷上招牌Peri Peri 醬，帶微辣及香草味，皮脆肉嫩，層次豐富，推薦必點。🍷 Mocktail — Blossom Lemonada（Lychee） 
這款Mocktail以伯爵茶為基底，融合清新檸檬和甜美荔枝，入口先是檸檬的果香和淡淡花香，繼而伯爵茶的茶韻和荔枝的層次甜味在口中纏綿，飲後爽口不膩，消暑解渴，搭配烤物主菜亦非常合適。🌟 整體評價、消費人均和建議
Flames 每款菜式都用料足而且烹調用心，招牌手工薄餅和燒雞最具人氣。環境 Chill，氣氛好，價錢合理（人均約 HK$250），適合朋友聚會、節日慶祝或下班輕鬆晚餐。💳 人均約HK$250📍 Flames @flames.hk 
地址：觀塘海濱道77號海濱匯1樓2號舖
交通：港鐵牛頭角站B6出口步行約10分鐘✨ Flames 招牌菜 
Homemade Pizza 10” & Roast Whole Peri Peri Spring Chicken #FlamesHK #MANOHK #觀塘美食 #牛頭角美食 #海濱匯 #香港PeriPeri燒雞 #香港手工Pizza #觀塘PeriPeri燒雞 #觀塘手工Pizza…Read More

呢間餐廳環境好chill，有戶外同室內位置俾客人坐，午餐叫左一個菠蘿煙肉pizza，炭火即烤pizza熱辣辣，又脆皮，涵料都幾多，呢度既景致可以望到藍天白雲，一家大細都岩黎食，外面有草地俾小朋友放電，我地仲叫左一杯latte，呢度嘆咖啡真係幾好feel。餐湯南瓜湯，南瓜味濃少少甜。我地叫左烤雞配薯條，呢個煮法好似印度菜甘，食落醬汁少少辣，烤雞半隻係脾位都幾好味。必食推介tiramisu，呢度既tiramisu，都係小編鐘意既口感好滑溜又creamy。…Read More

週日陽光普照 同毛孩慢步完海濱長廊 校啱時間 食經濟好味嘅brunch-⬆️南瓜湯 加$15自家製西湯要用攪拌機攪爛材料 我嫌麻煩 所以嚟親呢度 一定加錢飲湯 今日嘅南瓜湯 口感綿密少甜🙂-⬆️Pasta salad 加$15夏天悶熱 食cold prepared pasta salad都唔錯 入口涼快 又可以快速補充能量😉-⬆️Peri peri chicken burger $128用葡式霹靂醬汁做雞扒醃料 香口少辣 甜中有酸 厚切炸薯條🍟係我嘅all-time-favorite-⬆️Flames Big Breakfast $138惹味香草肉腸打孖上 原來嘅酸種麵包改為招牌plain pizza上 更有驚喜😍 pizza slices 柔韌有口感 上面有些少烤蒜 似食印度naan…Read More

今日喺海濱匯搵到間環境一流嘅Flames餐廳，話咁快就入去歎個靚Lunch～😋🏢 餐廳位於甲級商廈，裝修夠晒高級，座位寬敞舒服，仲有戶外位望出去，景觀開揚，坐低即刻放鬆晒～🌿🌞🍲 南瓜湯：香味撲鼻，飲落濃郁又滑，暖笠笠好治癒～ 最緊要係夠熱, 好少西湯可以做到咁熱辣辣效果🍕 Margherita Pizza：呢個真係驚喜！薄餅底做到意大利南部風格——外脆內軟，帶微微焦香，配上新鮮番茄醬同水牛芝士，簡約得嚟味道層次分明，食落有種地道嘅精緻感，好有Napoli風味～🐟 Fish & Chips：炸得啱啱好，皮薄脆口，魚肉新鮮且嫩滑唔腥，配埋自家製他他醬＋檸檬汁，清新又惹味～ 🍰 Tiramisu：咖啡味夠濃，忌廉滑到好似雪糕咁，甜品控必試，真係招牌嚟㗎！🍮📝 環境靚、食物有水準，服務都唔錯，成個Brunch set 食得好滿足～下次會再嚟試晚市！…Read More

每個星期嘅指定動作, 就係嚟觀塘海濱, 真係 可以吃不厭, 十二點鐘就最多人, 好多小朋友, 免費兒童餐嘅吸引力真係好大。我哋就最鍾意呢度嘅牛扒餐， 五成熟剛剛好， 大大件牛扒好足料 ，好多配菜好健康， 椰菜花～西蘭花～甘筍～粟米～薯仔。 百幾蚊真係好抵食。 加配南瓜甘筍餐湯， 香香濃濃熱呼呼的。黑松露卡邦尼意粉， 香香濃濃的黑松露味道， 配合大量蘑菇和煙肉， 面條煙煙靭靭， 實在是大滿足。 最後當然必點tiramisu， 芝士味濃 非常creamy。…Read More

喺公司附近晏晝搵嘢食，見到呢間西餐都幾多嘢揀，幾豐富，買咗一個意粉返Office食。叫咗一個carbonara，拎到返去仲係熱辣辣，好Creamy，份量都算大，煙肉同蘑菇嘅味道真係唔錯，下一次叫外賣都可能會選擇佢，試吓佢哋其他嘅意粉。…Read More

又來了這裏與朋友聚舊，熟到連侍應也認得，超親切！點了三道菜各具特色，頭盤巴馬火腿沙律以一大片燒菠蘿與哈密瓜點綴，夾着大大片肥美油香火腿食，大愛火箭菜鋪滿整盤，黑醋提味，酸甜交錯，超開胃。主菜點了蟹肉通粉，以巴馬臣芝士和番茄忌廉汁為基底，加入黑椒蝦汁與洋蔥粒，鮮香濃郁，蟹肉絲絲分明，口感層次豐富。最後的四重芝士薄餅雖無肉，卻以四款芝士打造出香濃層次，口感由柔滑至拉絲，鹹香交融，比肉更出色地令人回味！…Read More