十三姨 (雲龍商業大廈)

营业中

休息中

Bookmark左勁耐，一直未有時間去食，雖然唔係去旺角總店，但我今日終於食到老闆娘鵝肝煎蛋撈飯啦😍😍尖沙咀分店冇旺角咁多人排隊，係門口排隊時用QR code揀定野食，入去等食物黎就可以。每枱附送鮮炸脆蝦片，好耐冇見過咁顏色繽紛嘅炸蝦片重頭戲：老闆娘鵝肝煎蛋撈飯（$148）我心心念念嘅老闆娘鵝肝煎蛋撈飯終於黎啦，望到已經開始流口水🤤香煎三大塊厚鵝肝，外脆內軟入口即溶，配上流心太陽蛋，再與乾蔥炸蒜拌勻飯，真係啖啖油香🤤🤤🤤再加少少自家製豉油落去撈飯，令成碗飯昇華。