十三姨 (雲龍商業大廈)

Lunchtime嚟食十三姨，1230前嚟比較少人，大機會唔駛排隊。另外一點前離座仲有9折🈹大家記得留意。入座後每枱都會中有一碗仔嘅蝦片，又幾好食😋🍲十三飛 [粉絲拼米粉（240Kcal)] $80凍鴨屎香檸檬茶 少甜少冰🐮十三飛呢個名幾特別，配料係牛嚟嘅，包括安格斯牛肩胛同牛肋條，冇根又唔痴牙，正🤤不過唔食牛嘅你要注意。湯底嘅牛味啱啱好，粉絲同米粉雙拼嘅口感好好，唔會太淰，幾好👍🏻溏心蛋都好流心，幾正😋每碗都有兩條腸粉，幾特別，唔知係咪有啲咩意思😂🥤鴨屎香檸檬茶幾清新，不過冇乜特別，同出面街嗰啲差唔多🍲 炙燒雞叉燒米粉 [銀針粉（278Kcal)] $64凍蜂蜜蘋果烏龍茶 少甜少冰🐥佢係用個鐵鍋上，對比起十三飛會清啲。炙燒雞叉燒好似雞卷，又好嫩口又有少少燒過嘅味道，好正😋銀針粉勁多，基本上佢所有配料都好多，包括椰菜絲、芽菜、粉都好多，唔會太膩，啱晒飲食均衡嘅你😍🧃蜂蜜蘋果烏龍茶有淡淡嘅蘋果味，反而蜂蜜味就冇乜，飲到底會有少少蘋果碎粒，幾推介👍🏻…查看更多

係個好耐之前得閒嘅一日去開尖沙咀碌下社交平台即興揾嘅一間餐廳✨咁啱前日食完bufet 就好想繼續encore 鵝肝🦢❣️老闆娘鵝肝煎蛋撈飯份量 very 👌🏻. 而且都足足有3嚿鵝肝✨好creamy, 好香, 唔騷, 入口即溶✨雖則都係覺得價錢少貴, 不過家母畀錢就係另一回事💵💵💰148❣️西多雞翼係個幾suprise嘅味, 又真係有西多嘅味😲(雖然嗌得就係想試下個西多😹)好好奇啲糖漿點樣可以做到有西多嘅味. 不錯不錯, 雖則好邪惡就係喇😈如果再返黎食, 都幾大可能係因為想食多次西多雞翼🍗💰38❣️椒鹽魷魚鬚不過不失嘅椒鹽魷魚, 炸得好香硊, 外硊內彈牙, 但係亦都冇太大驚喜💰38❣️蝦片(前菜)會話係個冇expect前菜會係蝦片嘅suprise. 本身就好鍾意食所以okok🫶🏻💰/…查看更多

第一次食咗個蟹肉沾麵。味道都幾好食，上餐時間唔耐 可以接受餐廳環境都幾大 服務幾好。衛生方面都好好好。值得一試。就係價錢有啲偏貴，如果價錢可以降低少少，或者做一啲優惠會更加好。…查看更多

聽過呢間餐廳好耐，知道佢有好多特別嘅配搭，我同朋友一個叫左十三么，一個叫咗十三飛。佢啲選擇都好貼心，可以揀半米粉半粉絲、一半菜一半粉又得，所以健身人士減肥人士都一定有選擇。🥗👍💪🏻🍽️一入到去佢有一個炸蝦片嘅小食，er...我覺得好似淋左，但免費嘅嘢我就唔評論咁多啦。講返碗麵，係真係好足料，啲食材都好好味，碗麵裏面係有糖心蛋同埋啲牛肋條、牛肉咁樣，加埋落啲湯度好夾好好食。😋另外小食仲叫咗一個椒鹽粟米，佢係炸咗少少嘅，香口嘅，都幾特別。🥳所以呢間都幾有特色，可以試吓一啲特別嘅配搭。🍽️…查看更多

收工時間7:30左右入左尖沙咀十三姨，之前食過佐敦嗰間，尖沙咀就第一次。食到8點幾差唔多食完，但女友突然驚嚇，見到湯底有隻疑似曱甴嘅物體，有手指尾指甲大小。我見到都有啲驚吓，就叫左職員過來，當時女職員第一眼見到就”依”左一聲，然後好快手就拎左兜嘢入廚房。之後我地係位等左幾分鐘，就有另一位職員過來話唔好意思，會free返有疑似曱甴個碗和問我地有無其他需要。因為個刻仲未驚嚇完，就無特別講咩。埋單時職員都有講多句唔好意思，有叫女友留低聯絡資料，然後我哋就比錢離開。事後唸翻，成件事好冷處理，比我感覺係碗食物有昆蟲係好普通，我唔係話要額外啲咩補償或者free成餐，但連個老闆當場或事後慰問翻個食客都無，完全無重視食客既體驗，起碼做多少少挽回食客信心。雖然女友已留低聯絡方法，但過左一日對方都不了了之，非常失望。…查看更多

今次喺尖沙咀新開分店🥳一坐低就有一杯七彩蝦片和熱茶🫖仲要係一杯一個茶包！店內充滿港式懷舊裝潢用的餐具和器皿都好有港式味道✨【老闆娘鵝肝煎蛋撈飯】$148世一鵝肝飯！必食！大碗份量～加了錢改一半椰菜花飯～食起來會比正常飯更濕潤～鵝肝煎到金黃色！滿滿的蔥花和炸蒜🧄一啖就有濃郁嘅鵝肝香味爆出來，好正👍🏻【蟹肉沾麵】 $158滿滿的蟹肉！好足料😍一上菜🍱經理好好咁教我們如何食～因為我們加錢轉了較健康的翠肉瓜麵，經理說雞湯是每日新鮮熬製✨而翠肉瓜麵比普通麵較為濕潤，建議我們可以加少啲雞湯🐔蟹肉醬可以選擇淋上去食或沾上去食～個人覺得都是必食❗食完飲返淡薑茶，好爽🤣【西多雞翼】$38即叫即做～上枱熱辣辣脆卜卜🔥單骨雞翼配上蜜糖🍯好惹味！【400次岩鹽咖啡】$22面層厚厚的咖啡泡打到好滑～不會很甜☕另外會附上一支岩鹽，可以根據自己口味加✨…查看更多

講真，食物唔錯，坐得都舒服，但服務態度真係不能接受。門口明明有熱茶寫住free，我expect我地坐低，有杯熱茶，唔過份掛？但佢死都唔肯斟，我話唔緊要，你俾個杯我地，我地自己斟，但佢話叫左餐，跟餐有野飲，都有茶。咁茶記一坐低都會俾杯茶你，餐廳坐低都會俾杯水你。一坐低想飲杯水/茶，食飯果陣想飲返杯凍奶茶，好正常掛🫠咁門口熱茶都寫住free，點解唔斟得？最後係連杯水都無主動俾我地。QR code張單都有寫鐵觀音茶係免費的，後尾問返係晚市客人先有，但上面又無寫。總知成個過程好confusing成個體驗好差。真係無下次🙂‍↕️…查看更多

Bookmark左勁耐，一直未有時間去食，雖然唔係去旺角總店，但我今日終於食到老闆娘鵝肝煎蛋撈飯啦😍😍尖沙咀分店冇旺角咁多人排隊，係門口排隊時用QR code揀定野食，入去等食物黎就可以。每枱附送鮮炸脆蝦片，好耐冇見過咁顏色繽紛嘅炸蝦片重頭戲：老闆娘鵝肝煎蛋撈飯（$148）我心心念念嘅老闆娘鵝肝煎蛋撈飯終於黎啦，望到已經開始流口水🤤香煎三大塊厚鵝肝，外脆內軟入口即溶，配上流心太陽蛋，再與乾蔥炸蒜拌勻飯，真係啖啖油香🤤🤤🤤再加少少自家製豉油落去撈飯，令成碗飯昇華。…查看更多

作為鵝肝控嘅我，一直都想嚟試一下依個鵝肝撈飯，今次終於有時間過嚟試一試！鵝肝撈飯，總共有三大片鵝肝，都唔算太薄身，味道方面佢係偏向淡少少唔算太油膩嗰種，撈埋特調嘅醬汁同埋啲蔥油，會成個口都好香，幾好食，但係絕對唔係嗰種勁經驗好香好香嗰隻鵝肝，諗住過嚟食個飯止下癮嘅話，係一個非常之唔錯嘅選擇👍🏻👍🏻👍🏻灸燒手撕雞半雞油飯-相比之下比較清淡啲普通啲啲，雖然佢都係用咗雞油撈飯😂一啲都唔清淡😂另外嗌咗個小食，西多雞翼，其實就係炸雞翼淋勁多蜜糖😂都係正常發揮…查看更多

呢間📍十三姨 真係不得了啊 晚晚都排長龍！朋友仔話佢哋將港式風味玩到出神入化，今日就來試下水啦~👀【鵝肝煎蛋撈飯🦢】厚切鵝肝煎到外脆內軟，入口即溶嘅油脂爆發💥香脆金蒜、酸爽酸菜、靈魂香蔥配埋流心太陽蛋🍳再加上自製 XO醬 嘅微辣鮮香🌶️口感層次瘋狂疊加👏撈埋飯一齊食，每一啖嘅罪惡感+幸福感都直線飆升！邪惡得嚟又忍唔住清碟 😈【西多雞翼🍗】呢個名改得貼切！雞翼皮煎到金黃脆身，入面肉汁多到滴出嚟～💦🍯面頭嗰層秘製蜂蜜醬唔係死甜 帶少少鹹香吊味，反差感令人上癮食多兩件都唔膩！🤤 朋友仲搞笑 話：甜過初戀，脆過薯片！😂…查看更多

尖沙咀餐廳 十三姨之前已經係佐敦食過 原來尖沙咀都開左分店令人回味同推介嘅 一定係 老闆娘鵝肝煎蛋撈飯🍳🦆鵝肝又大又肥美，份量算足，都叫對得住個價錢$148，煎得恰到好處，外脆內嫩，咬落好juicy，搭配太陽蛋煎蛋，可以撈埋啲蛋黃撈飯，再加埋飯底的醬汁香濃，同埋鵝肝肥美，好自然就會爬多幾啖飯🍚餐廳黎講坐得舒服過佐敦，呢到嘅服務態度親切，同佐敦一樣咁好 。呢到好處仲唔駛排隊，真係幾好 。十三姨嘅這道鵝肝煎蛋撈飯絕對值得推薦🌟…查看更多

短時間內又翻食，主要係十五當日食素，唔知去邊度食好，記得上次食嘅時候係有素餐（蛋素）一入座店長將素餐牌放上最頂，有備而來招呼。🌶️麻辣素手撕雞湯麵素肉全由大豆製造，粉絲拼米粉，仲有椰菜絲同芋絲，好飽肚😂 手撕雞都唔錯，個湯粉男士都夠食。🍜炙燒雞叉燒湯米粉同事話都幾好味😋…查看更多

午餐時間無限人多的網紅人氣店，除了有出名的鵝肝飯外，還有素食和生銅食品，第一次來必須先試鵝肝飯。💛老闆娘鵝肝煎蛋撈飯4小片鵝肝，拌櫻花蝦+XO醬，煎蛋少流心，每一日都要飯餸一起吃，再加一點點秘製醬油，入口鵝肝油脂爆發，大滿足！💛十三飛（安格斯牛肩胛、牛肋條、糖芯蛋，粉絲拼米粉）牛肉份量多多的粉絲米粉，兩溝粉口感更好，又吸湯；牛肋條厚身大條，肉嫩濃味。💛大三元（炙燒手撕雞伴雞油飯，炙燒雞叉燒，糖心蛋）雞油飯比較特色，平時主要星馬泰餐廳才有，味道正常。…查看更多

成為開飯熱點既其中一分子，應該係名不虛傳！價錢黎講唔算平，但勝在外面無相類近的餐廳麵底都可自選，牛雞都有好多唔同選擇，花多眼亂，所以直接叫佢地招牌黎食！每枱都有蝦片提供，另外調味架都有秘製醬油可自行調加味道👅不過呢啲醬汁應該食飯先夾到十三么湯底較清淡，但胡椒味特出；有糖心蛋、有幾片炙燒的雞叉燒和手撕雞，雞的配料正常發揮！個人認為出色在於湯頭！十三飛肉眼睇得出湯底好濃厚，飲落都好有牛味，牛湯配牛肋條及牛肩胛，係將牛既味道昇華！…查看更多

十三姨直頭有專為素食者而設的菜牌！嘩！好難得呀！仲列埋卡路里係每樣食物上，真係好細心。今次點了炙燒素手撕雞拼脆玉瓜面粉絲米粉，因為好想試瓜湯麵，但又怕唔夠飽，就拼粉絲同米粉，有啲保障。素湯麵以金屬煲仔上檯，非常之滾熱辣！店員上檯時都細心提醒，個煲好熱，小心燙手，服務態度抵讚！湯麵的湯底都幾惹味，唔太油，而素雞絲都有幾分似真雞絲，又有半隻糖心蛋，而麵底份量都足夠，所以都飽肚。想試瓜麵又怕唔夠飽可以咁樣叫。瓜麵的質地係爽口，粉絲又唔會太淋，所以食落口感都正常。我仲叫咗個小食凍桂花蕃茄仔，粒粒都好Juicy，而且冇蕃茄皮，同埋好入味，一凍一熱都幾過癮。冬天食碗熱辣辣湯麵，個人即刻暖哂！而且佢杯茶係幾好飲，店員又會幫你加熱水！好窩心。下次等我試吓佢杯岩鹽咖啡，見到隔籬枱個女仔叫咗，個樣好似幾靚。下次仲可以試下佢素叉燒飯，店員話好好食㗎，叫我下次試吓。再三同店員確認素食餐牌，喺十三姨所有分店都有嘅，唔使擔心冇得食😛我仲見到叉燒飯，可以轉椰菜花飯底，真係幾唔錯。…查看更多