玉桃軒酒家 (鱷魚恤中心)

营业中

休息中

心血來潮好想食片皮鴨，上網搵左勁耐，搵到附近嘅玉桃軒酒家有得食，訂位嘅時候順便訂埋。京式片皮鴨（一隻） $258為咗食片皮鴨，我哋其實得兩個人，但係呢度一叫要叫晒全隻，所以我哋決定全晚就淨係食片皮鴨，片皮鴨一燒好之後，部長就直接拎到過嚟我哋張枱隔離切。切出黎嘅鴨肉睇落唔算好多，但係食落之後就發現兩個人其實好飽，呢度切到確保每一片肉都會黐住個皮，果皮燒到脆卜卜，底下層肥膏已經燒走晒，成為咗油香。個皮方面做得比平時食開嘅厚少少，但係又唔會太厚，反而有啲咬感，仲要上面加咗啲芝麻，令到個皮香口啲。馬拉盞通菜煲$118另外都不忘叫碟菜飲食均衡啲，個煲上到嚟熱辣辣，仲聽到治治聲，馬拉盞嘅味道一擁而上，好香口，通菜好柔嫩，火候啱啱好，食落冇喳仲好新鮮。