深仔記

营业中

休息中

聽老婆講有間麵店賣鮮魷魚麵，仲要一試難忘，咁今晚去尖沙咀就順便試一試啦。間麵店正門又細又唔太顯眼，好容易行過咗都唔覺。行入店內第一個感覺係好整潔，然後有個好似六、七十歲嘅伙計行過來好有禮貎咁請我入坐，完全唔似平日去開果類(大家明啦)。跟著我就點咗碗鮮魷魚麵，碗麵大約中size，麵好爽，魷魚味鮮而濃，加上蔥絲、薑絲原來可以好夾，越食越想食。伙計仲加咗一小碟辣椒醬油俾我點魷魚，真係夠哂細心。其實除咗鮮魷魚，間麵店仲有好多其他口味嘅麵，如雲吞、牛腩、豬手、牛雜等。下次一定要逐一試試。值得再提就係一班老伙計嘅以禮代客之道。完全唔似平時那些以老賣老，大聲夾惡嘅老油條。真係服務滿哂分