韓脈 (帝國中心)

营业中

休息中

尖沙咀有唔少韓國餐廳，韓脈係其中一間。我幾鍾意佢地枱與枱之間有個屏風隔住，感覺私隱度高啲。加上佢地有得食蟹油蟹，都係我今次黎既目的。前菜有千島醬沙律、鵪鶉蛋、菠菜、芽菜、泡菜同醃蘿蔔，仲有埋蒸蛋添呀，呢個較少有。醬油蟹(一隻) $250醬油蟹已正式成為左我食韓國野既必嗌野食！韓脈係其中一間有蟹油蟹而且好高質既。每次都好期待食第一啖，真係會有幸福既感覺☺️蟹肉蟹膏好飽滿，味道好鮮甜🤤下次可以試埋醬油鮑魚同醬油蝦。特級牛肋骨 $275如果嗌燒肉既要最少要嗌2樣野。本身包左1份生菜，唔夠既可以再加$10份。今次嗌左2款餐牌上有👍🏻既肉。一牛一豬。可以自己燒或者叫侍應幫你燒。牛肋骨幾大條，口感都鬆軟，牛味適中。蜂窩五花腩 $150份量雖然比想像中少，但半肥瘦五花腩燒到焦香，見到都流曬口水，本身無調味亦都無豬膻味，必包生菜同點大醬食。