韓脈 (帝國中心)

尖沙咀韩国餐厅选择多到眼花，今次试咗「韩脉」真系惊喜满分！呢间店简直系韩国美食万花筒，BBQ、海鲜、酱油蟹样样齐，连传统小炒同炸鸡都有，一间店食尽韩国百味。餐厅装修满满韩式风情一，坐底餐厅会提供多款韩式前菜任食，仲有每台送一客韩式蒸蛋。真系韩风十足！必点一定系酱油蟹！蟹膏满到溢出来，睇到流口水！蟹肉吸饱咗清甜酱油汁，鲜味十足，膏质绵密不油腻，拌埋香喷喷嘅紫菜饭，每粒米都吸晒蟹油同酱汁，一口饭一口蟹膏，根本停唔到口！BBQ拣咗肉眼同西冷各150g，厚切份量好足，店员会帮手烤，肉眼油脂分布均匀，入口甘香多汁；西冷带少少嚼劲，肉味更浓郁，蘸少少海盐，加埋生菜同泡菜一齐食，正～意外惊喜系50cm长嘅韩式鸡蛋卷，蛋卷煎得金黄松软，内馅加入肠仔，蟹柳，蔬菜等材料，口感丰富又唔会太油腻，蛋香十足带少少甜味，配埋餐厅嘅酸甜酱汁，清新解腻～饮品拣咗Blue lemon ade同Kiwi Ade，颜值高又清爽，酸甜果香中和咗烤肉同蟹嘅油腻，一口饮落好过瘾！韩脉真系做到「多元化」，无论钟意传统韩料定创新菜式都有得拣，食材新鲜、份量实在，尖沙咀想食韩料嘅朋友，呢间绝对值得试。…查看更多

餐厅由韩国老板开设，主打正宗韩式料理，店员多为外籍人士，能以英语介绍餐牌和推荐菜式。环境充满韩国氛围，从装潢到细节都让人感觉置身韩国，尤其生日墙贴满客人庆生照片，感觉好温馨。菜单选择亦非常多元化，包括BBQ、酱油蟹、海鲜、炸鸡、猪手、火锅、石锅饭面等等，睇菜单都睇到眼花撩乱。烤牛肠（400g）$588近期大热菜式所以一定要食，牛肠份量超多，建议3至4人分享。店员会即席开小火炉，先用锅煎香牛肠，再放入蔬菜一同烤制。牛肠选用小肠部位，口感类似猪粉肠，牛味浓郁；蔬菜吸满牛油香气，好香口，然后此锅牛肠好邪恶但风味独特，令人回味，唯有之后做多啲运动跑多几个圈抵销一下。酱油蟹（1只）$250呢度嘅酱油蟹以超爆膏闻名，蟹膏浓郁丰盈，配紫菜饭同食，捞匀后鲜香十足。店家选用韩国西海岸蟹制作，酱油调味亦不会过咸，蟹膏入口鲜甜，没有明显腥味。若喜欢这道菜，餐厅还提供韩式腌蟹放题（$398，限时90分钟任食），适合嗜蟹人士。50cm长韩式鸡蛋卷 $158蛋卷热辣上桌，50cm份量真系吓了一跳，切开后有流心芝士、泡菜、蟹子、香肠和萝卜粒等馅料，口感软绵香口，面层撒上木鱼丝更添风味。绝对是打卡必点之选。饮品方面，Lemon Ade $48 酸酸甜甜，开胃解腻；Kiwi Ade $48 以新鲜奇异果制作，果肉丰富，清甜微酸，配搭浓味菜式非常合适。…查看更多

尖东超人气爆红韩式美食🍽️ 肉眼 + 西冷一次满足牛迷味蕾 😋爆膏酱油蟹打卡必食邪恶之选 🦀 烤韩牛肠近期人气菜 超高人气嘅尖东「韩脉」！餐厅环境真系劲韩式，每个角落都feel到韩国氛围～而且场地又阔落又舒服，唔怪得咁多韩国人都来食，仲有岩晒钟意嚟打卡的你，绝对系最近热门韩式餐厅之选！🍽️烤炉嘅秋风非常好，绝对唔会令你有油烟味👍🏻👍🏻餐厅选用高质食材，服务贴心又有水准，成个用餐体验very good！今次我要同大家分享下今晚嘅招牌美食：✨ 首先系超丰富前菜，居然有腌制鹌鹑蛋！味道好有层次，仲有我最爱嘅芽菜同酸萝卜，韩式风味十足。🔥 烤韩牛肠，最近喺香港超流行～🥩 重点推介：双拼牛肉（肉眼150g + 西冷150g）肉眼鲜嫩多汁，油花平均，食落超香口！西冷牛味浓厚、肉质结实，有咬口啱晒肉迷！两款牛肉一次过满足你唔同口感追求，真系食到停唔到口。🦀 超爆膏酱油蟹$250，蟹膏好浓郁，配埋牛油饭一齐食，非常邪恶又满足，鲜味瞬间升级！🥚 韩式鸡蛋饼，份量足够又香脆，色香味俱全～🍲 韩式牛肋骨汤，服务员帮忙剪开，足料又入味，啖啖都系牛肋肉，汤底超浓郁！🥤 饮品选择超多：推介Blue Lemon Ade、Lemon Ade、Kiwi Ade同Grapefruit Ade，全部都好清爽，食完一啲都唔腻！餐厅除咗BBQ、酱油蟹、海鲜，仲有韩式炸鸡、传统小炒、猪手、火锅、汤、石锅饭面等超多元化选择～每个胃口都满足！不论系同朋友聚餐，情侣约会，定一家大细，韩脉都系尖东聚会食韩餐首选！有兴趣一定要book位试下啦！…查看更多

平时都系去尖沙咀市中心食比较多，尖东比较少去，朋友推介去尖东韩式烧肉和酱油蟹，韩国人开同埋都好正宗，估唔到去到系好多人！一入门口就有韩国老板娘招呼，虽然唔系好听得明韩文，但系佢英文都唔错，招呼你入座，会同你用英文简单介绍餐牌和推荐菜式，选择烧烤嘅话会俾一条一次性围裙俾你，唔使惊整污糟啲衫。食物选择多好多元化，除咗有set之外，仲有BBQ、酱油蟹、海鲜、炸鸡、传统小炒、汤、石锅饭面等等。前菜小碟超有诚意，一坐低就有成排小碟前菜，泡菜、芽菜、酸萝卜、鹌鹑蛋等，每款都好入味开胃，唔系得个样，真系好食！叫咗肉眼同西冷各150g，肉质新鲜，油脂分布靓，有店员专人代烧，唔使自己动手，轻松享受烧肉，配搭多款酱料、蒜片和生菜包住食，真系好韩风！酱油蟹 + 牛油饭酱油蟹系餐厅招牌，蟹膏多冇腥味。将蟹膏捞埋落牛油饭一齐食真系不得了！50cm 韩式鸡蛋卷打卡一流！第一次见咁长嘅蛋卷，超长又厚身，蛋香浓郁，口感滑嫩，材料丰富，热辣辣上枱好吸引！Blue Lemon Ade 同 Kiwi Ade 色彩梦幻，两款都好清新，配烧肉一流食物水准高，服务贴心，有专人代烧真系加分！酱油蟹同蛋卷绝对系必点之选，价钱合理，环境舒适，下次会再嚟试埋其他菜式！…查看更多

「叮！」铁板嗞嗞声，韩牛油脂香喷到隔篱枱都闻到～🇰🇷 呢间尖东隐世韩料店，系一间多元化韩国餐厅, BBQ, 酱油蟹&海鲜, 炸鸡, 传统小炒, 猪手, 打边炉, 汤, 石锅饭面都有，竟然仲藏住A5+级韩牛眼肉，店员仲会亲自处理帮你烤肉，Service认真贴心💘！🥩【烤韩牛肉眼牛扒&西冷牛扒】眼肉入口即化似雪糕，霜降花纹靓到唔舍得食。🥹西冷带淡淡果木香，点竹盐食原汁原味。🙌🏻跟足韩式传统配埋生菜包肉，解腻啱啱好！😋🦀【超爆膏酱油蟹及紫菜饭团】蟹膏多到涌出嚟！最正系佢哋嘅酱油唔会系得个死咸🇰🇷正宗偷饭贼食法：挖一羹蟹膏+饭用紫菜卷住食，鲜味冲上脑门💥🍳【50cm长韩式鸡蛋卷】长过MacBook嘅巨无霸蛋卷，系师父人手做！切开有流心芝士+泡菜+蟹子+萝卜粒，拉丝拉到出门口～📏💙【Blue Lemon Ade】🥝【Kiwi Ade】Tiffany蓝柠檬梳打，酸酸甜甜开胃一流🤣新鲜奇异果梳打，果肉多到不得了，打卡啱晒！✨…查看更多