黑門水產すいさん (棉登徑)

餐廳位於尖沙咀綿登徑，鄰近K11，位置都幾方便，附近亦有唔少酒吧，可以Happy Hour完黎食浜燒、串燒，抑或係食完先去附近飲野都得。鱈魚白子（$128）：白子即魚類精巢，雖聽起來怪怪，但屬高級日本料理，其口感滑嫩，有種入口即溶嘅奶滑感，沒有腥味，一般配以酸汁享用，火炙後更為香口。北海道蜜柑鯛薄切刺身（$238）：由於養殖鯛魚時在飼料加入蜜柑皮，因此魚肉帶有淡淡嘅蜜柑味道，魚肉香甜可口，頗有特色。黑門令大漁魚子醬脆脆包（$98@）：脆包搭配海膽、拖羅蓉、魚子醬、三文魚籽、蟹籽、蔥花，感覺非常大堆頭，用料矜貴，食落亦十分鮮味，非常好食。海膽蟹味噌甲羅燒（$98）：把蟹膏、蟹肉、味噌、海膽、鵪鶉蛋、三文魚籽及蔥花放在蟹殼燒製，其蟹味噌嘅鮮香非常特出，配以脆餅食，味道一流。黑門角切海鮮沙律（$98）：海鮮有數款，包括三文魚、劍魚、赤蝦、及蟹籽等，角切海鮮大大粒，鮮味爽甜。另有炸蓮藕、車茄厘配沙律菜，醬汁甜甜酸酸，與黑醋汁相約。