黑門水產すいさん (棉登徑)

黑门（尖沙咀）位于棉登径，K11附近感觉似置身于日本嘅居酒屋，墙身放了很多宫崎骏嘅壁画，地方又大又舒服修设计日系，餐厅仲有好多特色小食,海鲜各种时令嘅食材,都系新鲜空运到港海胆蟹味噌甲罗烧甲罗烧入面有海胆蟹肉鹌鹑蛋同蟹籽好香浓嘅海胆味，咸鲜味十足，连埋蟹籽一齐食另口感层次丰富，鲜味爆棚，仲有专人烧好放在面前，连埋饼干一齐食，有口感三文鱼腩刺身三文鱼腩刺身凝脂油花密布，入口瞬间丰腴脂香，鱼肉质地细致柔嫩，有弹性，咬下时释放出浓郁鱼油甘香味寿喜牛肉锅牛肉有四大片，肉质鲜嫩，脂肪同牛肉嘅比例平均，寿喜牛肉锅的汤底甘醇浓郁，高汤的鲜甜与酱油层次丰富，牛肉薄片在沸腾的汤汁中轻涮，入口柔嫩多汁，脂香四溢，豆腐吸饱汤汁，咬下时豆香嫩滑，娃娃菜清甜爽脆，秀珍菇与冬菇浓郁菌香，金菇细致口感，薯粉滑溜弹牙，吸附汤汁的精华，每一口都饱满甘美，食材的鲜甜令人回味无穷北海道生蚝生蚝非常大只，又厚身生蚝上面铺满大大粒鱼子同埋葱花，生蚝肉身饱满如凝脂，入口冰凉滑嫩，爆出浓郁海水鲜味，奶油般甘甜，纯净鲜美酥炸鸡软骨金黄酥脆，咬下「喀嚓」作响，外层薄脆，软骨嚼劲十足，带点黏糯胶质，越嚼越有鸡油香气…查看更多

行开棉登径发现呢间超有日本feel嘅居酒屋，一于同朋友入去试吓！呢度嘅装修真系好似去咗日本渔市场咁，气氛满分～首先必点呢个海港龙珠卷，上枱已经靓到唔舍得食！寿司卷上面铺满七彩嘅鱼生粒，中间仲有脆脆嘅天妇罗虾，咬落去口感超丰富～最正系面头𠮶粒晶莹剔透嘅三文鱼子，一入口爆开嘅鲜味真系不得了，成个配搭又靓又好吃！和牛汉堡扒绝对系惊喜之作！用铁板上保持住温度，汉堡扒切开仲见到粉嫩嘅肉色～入口超级juicy，和牛嘅油脂香系口腔入面爆发，配埋秘制烧汁同流心蛋，捞饭食真系无得顶！压轴登场嘅鲑鱼熔岩活火山真系打卡首选！成座三文鱼山铺到满一满，下面系满满嘅寿司饭，淋上特制酱汁之后真系好似火山熔岩咁～三文鱼新鲜肥美，每啖都系大大件，食到最后都仲有，超级满足！…查看更多

今日同朋友行开尖沙咀棉登径，试咗呢间黑门水产嘅大阪木津海鲜丼，真系有惊喜！话明系大阪过江龙，果然冇令人失望～一上枱个海鲜丼已经靓到唔舍得搞乱！刺身舖到满一满，完全睇唔到底下嘅饭～有三文鱼、吞拿鱼、帆立贝、甜虾、三文鱼子，仲有啲唔知咩鱼（师傅话每日唔同），全部都好新鲜！特别系个帆立贝，厚切到好似食紧啫喱咁，入口即化，鲜甜到不得了！个醋饭都系精髓所在～醋味调得啱啱好，酸酸甜甜咁，同啲刺身超夹！饭粒软硬适中，仲带少少温温哋嘅温度，食落更加突出咗刺身嘅鲜味。最正系佢哋自家制嘅酱油，咸度适中，点少少已经够晒提鲜！咁高质素嘅刺身同埋咁足料嘅份量，绝对系物有所值！如果想喺尖沙咀食个高质海鲜丼，呢度真系唔错嘅选择～已经约定朋友下个礼拜再嚟！…查看更多

尖沙咀基本上想食咩都有，应有尽有，但系要揾一间高质素嘅日本菜其实又唔系咁容易。系网上揾吓揾吓就揾到呢间黑门水产，位置喺棉登径非常之容易揾。一打开Menu发现种类非常之多，想食咩都有，首先见到个海洋之心，一个咁特别嘅名就已经吸引到我，另外叫咗个海胆蟹味甲罗烧，山贼鸡柳定食，寿喜烧牛肉锅定食再加咗个豆腐。首先讲吓个海洋之心，原来个名系好有意思，全部都系一啲海里面最新鲜嘅食材，无论系生蚝，金箔海胆，虾同埋啲飞鱼子都真系非常非常之鲜甜美味，极之新鲜，鸡柳定食好惹味配搭饭一流，而且佢个定食系非常多嘢，仲有个炖蛋，面豉汤，沙律菜，前菜，而寿喜烧牛肉锅定食系热辣辣而且成个锅入面都系配料非常丰富，好好味，我追加埋个豆腐加埋落去两个人食得非常非常之满足，甲罗烧系我第一次食，原来配搭埋饼干系非常之夹，当佢烧紧嘅时候𠮶阵鲜甜味已经令到我哋好想试，果然冇令到我哋失望真系非常之好味，咁嘅价钱可以食到咁高质嘅日本菜真心赞。…查看更多

呢日同朋友庆祝生日，去咗尖沙咀呢间日式餐厅食lunch，呢度既lunch set几抵食，人均大慨200蚊。首先点左香葱吞拿鱼腩丼，个吞拿鱼腩不得了，入口即溶，啲油花分布得超靓，好Fresh好甘香！配埋啲香葱同埋暖暖地嘅醋饭，简直系黄金组合，一啖饭一啖鱼腩，幸福到呢！跟住到黑门时令寿司定食，7件寿司款款都咁精致，有拖罗、海胆、三文鱼、带子等，全部都好新鲜，鱼生同饭嘅比例啱啱好。特别系𠮶件海胆寿司，鲜甜到爆。见到啲鱼生咁新鲜，我地就点埋海洋之心，醋饭上面有满满既鱼子、肥美既海胆、生蚝同埋蛋，好满足。…查看更多