Proton

营业中

休息中

元朗呢一兩年都開咗好多間cafe，好多都係咖啡配輕食為主。呢間除咗咖啡輕食之外，重有晚餐，同埋佢嘅裝修都幾特別，喺元朗都算少見。今日餐湯係甘荀湯，個湯偏渴，重可以飲到d粒粒，甜得嚟又有口感。小龍蝦沙律個味好農，加埋個菜一齊食啱啱好，推薦！橡果豬鞍就成日聽，食就真係第一次食。同平時食開嘅豬排比較，橡果豬鞍食落去嗰陣有一陣淡淡嘅香味，冇平時嘅豬鞍咗嚡。伴碟有嚿芝士焗薯仔，好香！有幾個意大利飯同意粉都想試，最後揀咗呢個。龍蝦雖然得半隻，加埋5-6隻大蝦，個飯好農蝦味，份量上面都足夠。但個飯偏濕，再乾返炒炒會更好。本身想試下d咖啡，但又驚晚上訓唔著，最後就叫咗西柚薄荷蘇打，酸酸地，一邊食一邊飲，更開胃。本身都想試埋個甜品，食完個飯同豬鞍都飽飽地，唯有下次再試。