最近又去左元朗寻找好餐厅，依间以工业风设计嘅 "Proton"，色调灰加黑，喜欢这装修型格路线，以及钟意食西餐嘅我哋，一于入去潮圣下先～入到餐厅，门口位置摆放张型嘅梳化同埋designer chair，打卡一流！墙上嘅灯光照落水泥墙到，更显光芒，有创意！睇睇餐牌先，晚餐时段既Dinner Set，有多款手工意粉＆意大利饭及主菜选择，可另加$配埋前菜、饮品和甜品，款式都几好。日本兰王M7和牛海苔手工意大利面 $168M7和牛肉质松软嫩滑而不鞋口，香浓嘅自家制酱汁完全浸入牛肉内，非常入味，手工意大利面食起嚟唔错，质感弹牙，日本兰王蛋及海苔令整份面条鲜甜香浓。流心蛋紫菜烟肉芝士卡邦尼手工意大利面 $158另一款系卡邦尼手工意大利面，散发阵阵香浓忌廉味，配以焦香嘅烟肉，肉味咸咸香香，配合流心蛋、紫菜同芝士好夹，浓郁嘅酱汁与意大利面煮得好入味，意粉口感烟靭有咬口，意粉好挂汁，越食越好味。24个月巴哈马火腿蜜瓜田园沙律另加 $ 配两款沙律 ~ 沙律非常新鲜，蜜瓜爽甜，巴哈马火腿带咸香味，沙律菜爽脆，黑醋汁酸甜开胃，有诚意。蒜香虾柚子杂果沙律另一款沙律都好开胃前菜，蒜香惹味嘅虾，加上翠绿鲜爽嘅沙律菜、柚子、杂果，真不错～苹果菠萝石榴羽衣甘蓝汁多种蔬果混合，甜度适中，口感爽口，香甜可口，味道清新自然，仲有食得嘅羽衣甘蓝同干果。意大利朱古力依杯饮品真系特浓朱古力味，朱古力爱好者最啱呢，口感幼滑，面层嘅忌廉与朱古力脆脆，好味之余，令人觉得甜蜜。…查看更多
