焼肉スマイル (燒肉smile)

营业中

休息中

今日心血來潮同朋友去左旺角呢間台式燒肉smile 。 一入到黎真係好有返鄉下既感覺，因為店員既台式國語真係好好聽，又有禮貌。 店只建議我地lunch點餐會抵啲，牛魔王既我地就簡左：日和極上盛合，同牛肉盛合。 餐真係有好多野簡，A5和牛，西班牙黑豚，無骨牛小排，龍躉石班，精選海蝦，prime 板腱牛，牛橫隔膜，牛肋條，牛舌，黎到真係好新鮮，賣相又好靚。 跟餐仲配香濃既海帶湯，韓式雪蟹膏拌飯，同日式蔥花玉子飯。 擺盤好靚，亦好啱味，睇到都食慾大增。 佢個爐都好犀利，坐落地方寬敞，抽風同冷氣都好夠，食完都唔會一身味。 再加叫左份鮮魷魚。 啲肉同海解燒好都唔會硬，亦好入味，勁新鮮。最正佢仲有飲品跟，點左濃香奶茶同鳳梨紅茶，甜度都啱啱好，食完超解渴。 呢度真係食得好滿足。