影片
更多
2023-05-17
222 浏览
和牛燒肉一郎 (荃灣廣場) (荃灣)荃灣大壩街4-30號荃灣廣場L6樓621-630A號舖同另一半慶祝一下首選放題，唔使就住就住嗌嘢食，一個價錢搞掂晒，高質放題，必食和牛燒肉，喺荃灣廣場最高層6樓，電梯一上轉右，香江花月隔離，呢間都好似係同一集團（除非唔係🤣🤣）之前食過香江都好高質，不過嗰間就係打邊爐呢間就燒烤，慶祝梗係要放題放肆一下。門口一入左手邊，有個大嘅area飲品櫃甜品櫃沙律仲有Popcorn ，佢有一部專業嘅Popcorn機，可以感受一下自己鏟起爆谷，好好玩。飲品櫃有黃色罐可樂，原來係檸樂，佢仲有好多款自家製嘅果茶，菠蘿茶都不錯㗎。揀咗個中價位嘅$598 C set，一嚟送上一個寶盒，因為裏面放咗乾冰，一揭開仙境一樣，打卡able，好睇又好食，寶盒入邊嘅係和牛西冷，油脂分布均勻，香味十足，記得唔好燒太耐，油份剛剛咇出嚟，包裹住肉片，和牛味十足，又不會太乾。海鮮船，船頭放咗菇同菜，有五花肉、雞肉、原隻魷魚、蝦、帆立貝，原隻魷魚仲有魷魚鬚，燒起上嚟脹卜卜，時間唔係控制得好好，但魷魚都不會太靭。帆立貝就唔使理佢就咁放上去燒，另外我放題可以任食牛油蒜蓉帆立貝或者黑松露帆立貝，黑松露好
荃灣大壩街4-30號荃灣廣場L6樓621-630A號舖
同另一半慶祝一下首選放題，唔使就住就住嗌嘢食，一個價錢搞掂晒，高質放題，必食和牛燒肉，喺荃灣廣場最高層6樓，電梯一上轉右，香江花月隔離，呢間都好似係同一集團（除非唔係🤣🤣）之前食過香江都好高質，不過嗰間就係打邊爐呢間就燒烤，慶祝梗係要放題放肆一下。
門口一入左手邊，有個大嘅area飲品櫃甜品櫃沙律仲有Popcorn ，佢有一部專業嘅Popcorn機，可以感受一下自己鏟起爆谷，好好玩。飲品櫃有黃色罐可樂，原來係檸樂，佢仲有好多款自家製嘅果茶，菠蘿茶都不錯㗎。
揀咗個中價位嘅$598 C set，一嚟送上一個寶盒，因為裏面放咗乾冰，一揭開仙境一樣，打卡able，好睇又好食，寶盒入邊嘅係和牛西冷，油脂分布均勻，香味十足，記得唔好燒太耐，油份剛剛咇出嚟，包裹住肉片，和牛味十足，又不會太乾。
海鮮船，船頭放咗菇同菜，有五花肉、雞肉、原隻魷魚、蝦、帆立貝，原隻魷魚仲有魷魚鬚，燒起上嚟脹卜卜，時間唔係控制得好好，但魷魚都不會太靭。帆立貝就唔使理佢就咁放上去燒，另外我放題可以任食牛油蒜蓉帆立貝或者黑松露帆立貝，黑松露好好食必叫。海蝦等等都可以任嗌，最正係QR code落單，而每次都會嚟齊。
花花牛，用牛肉同豬肉砌成嘅花，全部都放得好靚，食晒九件都已經抵晒，餐廳選用嘅日本進口牛，全部都有晒號碼認證，牛肉入口即溶，雪花分布平均，仲可以任食，非常之咁滿足。
五花肉燒得乾都唔怕，因為佢提供左好多款醬汁，自助counter有好多隻醬可以揀，就算QR code落單，其中有選項都可以揀唔同嘅醬，柚子醋汁可以中和肥膩，食幾多都唔怕漏。
仲有提供熟食同炸物，可樂餅必食，仲有生牛肉刺身沙律、生牛肉壽司、軍艦、烏冬、冷麵、溫泉蛋等等，送餐係喺座位旁邊嘅輸送帶，新奇有趣，同埋非常乾淨。朋友聚餐生日喜慶必食推介，食物質素比得上價錢， 俾貴啲食和牛一定唔會後悔！一郎Number One。
张贴
