龍亭

鐵板燒omakase沙律🥗煙三文魚包住新鮮既沙律菜，面頭加佐啲黑魚籽，又有龍珠果同蕃茄仔，點埋啲黑醋去食，夠fresh夠開胃！鐵板燒海鮮🦐🐟🦪帶子好大粒，夠晒鮮甜；扇貝都好爽嫩，用牛油去燒好惹味；東星班魚皮都燒脆佐，但魚肉又唔會鞋颯颯；鮑魚配埋啲脆蒜一齊食，煙煙韌韌，口感好好；另外加佐日本生蠔同虎蝦，新鮮生蠔拎去燒，蠔味香濃；虎蝦亦燒得好香，爽口彈牙既蝦肉！仲有好特別有蝶豆花泡沫伴住黎食，咸咸地好特別呀！澳洲牛柳粒牛柳粒燒到外脆內嫩，五成熟既牛肉，牛味香濃，而且燒得岩岩熟，口感軟嫩，配埋脆蒜同埋黑松露粉一齊食，味道一流！宮城縣厚切黑豚扒豚肉肉質鮮嫩，肥瘦均勻，厚切都唔會鞋口既豬肉，有啲蘋果蓉伴住黎食，又有啲芥末可以點，口感味道都好豐富！海鮮炒飯成個炒飯都炒得好好，飯粒粒粒分明，有三文魚籽做點綴，更加咸香好食，仲有大大隻鮮蝦，味道好香！豆腐雪糕作為甜品嘅豆腐雪糕，完全係一個完美既終結，豆腐味好濃！