南越南咖啡廳

营业中

休息中

旺角有間越南🇻🇳Fusion菜，環境舒適，食物創新，今日同朋友晏晝就book左去食。惹火上身咸檸豬頸肉：上枱時，餐廳職員會幫你點著一張火紙加強視覺效果，豬頸肉好嫩，好入味，配埋青檸食又唔會好膩。Shakeshake雞軟骨：即叫即炸，好似食某連鎖店既薯條咁，倒入佢地既秘制辣粉，入面仲有香矛等唔同香料，shake下shake下都幾過癮。順化麻辣鴨血金邊粉：越南🇻🇳金邊粉就食得多，有鴨血嘅金邊粉真係第一次食，湯底好濃郁，材料好豐富有牛腩/扎肉/鴨血/牛丸，牛腩好淋，鴨血好滑，金邊粉淥得剛剛好，唔會太淋。NVN咖啡骨：依個係佢地招牌菜，眼見幾枱客人都有點依個，開頭佢地個杯上面有埋棉花糖+個咖啡壺送過黎，我以為黎錯，點知原來又係Fusion菜，你將咖啡倒落面頭既棉花糖整溶晒落咖啡度，等個汁加埋少少甜味，甜甜苦苦將特別，佢地既咖啡骨原來係豬軟骨，入口即溶，又入味，有成5-6大舊。差不多一尺蝦：真係（蝦）如其名，差唔多成尺長，蝦肉好新鮮好彈牙，蝦頭都好多膏。香矛蘋果茶/金橘檸檬綠茶：食完咁濃味既野，飲番d咁清新既飲品，very match。總結：真係一間高質有誠意價錢又唔貴既越南🇻🇳餐廳，可再試。