Odelice! (PopCorn 1)

晚上同朋友在將軍澳品嚐了法式西餐，餐廳門面時尚，內裏有格調，臨近聖誕增添裝飾更有氣氛，我們點選了晚市套餐，餐湯係紅菜頭南瓜湯，蔬菜味濃而清新，2小碟+2主菜，可升級食物。頭盤選擇燒蝦尼斯沙律，好大碟啱晒喜歡沙律朋友，有5隻大蝦好爽脆。升級法式點心拼盤，西班牙火腿咸香、蛋批、煙肉黑松露球外脆內嫩，蟹肉撻，三文魚蓉成碗魚肉好滿足。原隻烤龍蝦，龍蝦開邊以芝士忌廉烤焗，龍蝦好彈牙而且幾大隻，配薯粒同麵包都係好食，值得升級。黑豚帶骨豬鞍厚切煎封，黑豚肉味濃郁，廚師熟度控制得好，外表焦脆內裏鬆軟，南瓜蓉可解油膩。最後叫咗兩杯果汁飲品都係鮮果即製，真材實料，總括而言係優質用餐體驗。