豊勝手丼 (已結業)

今日行開銅鑼灣，都有一段時間無去登龍街搵嘢食，於是去睇下有咩啱食。睇咗一陣行咗一轉，最後去左豐勝手丼。餐廳裝潢以木材為主，好有日本感覺。呢度係食勝手丼，當然喺以海鮮刺身為主。今次就試下五品丼，材料有三文魚，油魽魚，海膽，帶子，同埋赤海蝦五種。點咗一陣就上菜，刺身填滿成個飯碗，飯嘅份量唔多，但可以再加嘅。刺身嘅材料都好新鮮，油魽同三文魚都比一般食開嘅會比較厚身，比較有口感。整體嚟講質素都好高。最後order埋枝蘋果梳打，好好飲，好滿足嘅一餐!