大邊爐火鍋店

营业中

休息中

一黎到，未整個醬我已經將前菜個瓜食哂😂😂😂本身好鍾意食啲酸甜前菜，不錯！而醬料setting 係齊全正路既。餐牌望落唔太貴。丸呀餃呀都抵食。湯底叫左海底椰青雞。一開蓋真係好勁椰子味，好香！入面竟然仲有好多魚唇，我食哂，補下膠質。桶蠔好大隻，都好鮮甜。白鱔片超爽口，係我全晚既大愛！墨魚丸係佢地自家手打，都食得出誠意，係幾彈牙。老公既大愛一定係手切安格斯。佢好重牛味，唔會過肥。每塊切都好大，不過又好平均，所以每啖食落去都好滿足！