影片
更多
2017-10-19
53 浏览
朋友升職加薪!!! 當然要同佢慶祝一番喇!!! 之前已經試過101台式火鍋尖沙咀店, 已經覺得唔錯。今次黎佢地銅鑼灣店再回味一下先!! 銅鑼灣店位於登龍街呢條食街, 位置方便, 喺時代廣場附近。門面好有質感, 朋友話似去左酒店甘。裝修好時尚, 而且樓底高, 唔會令人覺得焗促嘅感覺。而且座位都好寬敞, 令人感到舒適。睇睇餐牌, 我地當然食佢地出名嘅任食火鍋喇!!! 火鍋有好多選擇, 有辣有唔辣, 任君選擇。前菜有麻辣木耳麻醬麻辣雞絲, 兩款都好好味, 唔會太辣, 最鍾意雞絲, 有麻醬嘅濃郁之餘仲有花椒嘅麻, 好開胃!!! 兩款前菜係任食加, 值得encore!!火鍋朋友揀左酸菜卜卜蜆, 諗住酸酸地開胃啲, 可以食多啲!! 卜卜蜆用上沙白, 雖然肉細細粒, 但無沙有鮮味, 而且湯汁酸酸地加上胡椒味, 惹味得黎又醒胃!!! 娃娃菜同豆卜都索哂酸菜同胡椒味, 好味!!! 仲有響鈴同炸魚皮, 響鈴勁巨大, 浸3秒食好脆口, 魚皮咸香, 就甘食都已經好好味!!火鍋拼盤可以二選一, 朋友最後揀左101特選手工火鍋拼盤, 人頭計架。拼盤都好吸引架, 黑色一條條嘅係墨魚汁鳥結糖, 鳥結糖彈牙有鮮味, 仲
銅鑼灣店位於登龍街呢條食街, 位置方便, 喺時代廣場附近。
門面好有質感, 朋友話似去左酒店甘。
裝修好時尚, 而且樓底高, 唔會令人覺得焗促嘅感覺。而且座位都好寬敞, 令人感到舒適。
睇睇餐牌, 我地當然食佢地出名嘅任食火鍋喇!!! 火鍋有好多選擇, 有辣有唔辣, 任君選擇。
前菜有麻辣木耳麻醬麻辣雞絲, 兩款都好好味, 唔會太辣, 最鍾意雞絲, 有麻醬嘅濃郁之餘仲有花椒嘅麻, 好開胃!!! 兩款前菜係任食加, 值得encore!!
火鍋朋友揀左酸菜卜卜蜆, 諗住酸酸地開胃啲, 可以食多啲!! 卜卜蜆用上沙白, 雖然肉細細粒, 但無沙有鮮味, 而且湯汁酸酸地加上胡椒味, 惹味得黎又醒胃!!! 娃娃菜同豆卜都索哂酸菜同胡椒味, 好味!!! 仲有響鈴同炸魚皮, 響鈴勁巨大, 浸3秒食好脆口, 魚皮咸香, 就甘食都已經好好味!!
火鍋拼盤可以二選一, 朋友最後揀左101特選手工火鍋拼盤, 人頭計架。拼盤都好吸引架, 黑色一條條嘅係墨魚汁鳥結糖, 鳥結糖彈牙有鮮味, 仲有墨魚粒粒增加口感!! 仲有手打丸, 黑松露蟹肉餃同黑松露芝士豚肉餃, 黑松露味道都濃郁同幾香架!! 
肉類每兩位會送一碟, 點了伊比利亞黑毛豬肉片, 豬肉片色澤紅潤, 油花分佈均勻, 烚一烚好快熟, 豬肉味濃, 爽口, 份量都多, 兩個人完全夠食!
任食套餐包埋飲品任飲架, 好抵呀, 而且飲品一啲都唔敷衍, 有水果冰茶, 盆栽珍珠奶茶同砂冰等飲品, 相當吸引呀。
叫左杯青蘋果砂冰拼雪碧, 砂冰好大杯, 青蘋果味酸甜酸甜, 加埋雪碧會甜少少, 要慢慢飲呢!
食完拼盤仲想食多啲菜, 任食套餐仲包左一張無限追加菜單!! 火鍋料都有好多選擇!
唔記得講手打丸粒蝦丸好好味架, 有好正嘅芝士!! 另外仲試左台灣渝川拉麵, 似幼身版上海拉麵, 拉麵索哂湯底, 酸酸辣辣, 好惹味同開胃!! 食完火鍋仲有朱古力木糠布甸, 布甸朱古力味夠濃, 布甸滑溜, 都唔錯架!!!
食到飽一飽, 可以去餐廳特有嘅露台影下夜景, 傾下計, 好有氣氛架!!!
店員服務好好, 細心而且有笑容, 而且主動幫忙我地切開大大件嘅響鈴!!! 值得再黎食呢個台式火鍋!!!
张贴
