長阪燒 (已結業)

今日同媽媽去旺角食日本野，揀左呢間長阪燒。呢度環境好靚，好有日式感覺，側邊仲有d有門簾嘅卡位，有少少度假feel☺️媽咪唔食生野，所以問左店員有咩熟食嘅推介。店員非常熱心有禮，介紹左一D熟食比我地。最後我地揀左，沖繩海葡萄番茄沙律、日本雞翼、雞脾肉、釧路活海鰻、燒粒貝同埋燒杏鮑菇。沖繩海葡萄番茄沙律，我地第一次食海葡萄，覺得好特別，口感好爽口，好似食緊蟹籽咁😍夏天食就啱晒，好清爽，配合番茄酸酸地好開胃。燒日本雞翼好香好惹味！有濃濃嘅炭燒味，同一艘嘅燒雞翼唔同。入面都好juicy 店員極力推介嘅就係燒粒貝。賣相非常吸引！一片片嘅粒貝放咗入螺形嘅貝殼入面，入面仲充滿湯汁。店員話湯汁係廚師特製嘅湯，可以飲用。d湯好鮮甜好好味呀！粒貝都好爽口，果然冇介紹錯！