七福神和食亭

营业中

休息中

今日去佐敦做嘢，順便喺附近搵嘢食，行過見到國貨公司隔離嘅一樓有間餐廳，於是去睇下，原來係日式和食餐廳，於是就上去試下。等咗一陣職員就安排咗坐位，好快就點埋嘢食，上菜都好快。芥辣八爪魚沙律，沙律菜好新鮮，wasabi味唔會太搶味，配埋沙律醋，成個沙律感覺好fresh好開胃。凍蕎麥麵，麵身乾爽煙韌有彈性，冷麵汁唔會太咸，配埋一齊口感清爽。鰻魚丼，燒鰻魚好嫩滑，醬汁調味唔會太濃，份量亦都唔細。我地仲點左雪葩做甜品，有菠蘿，蘋果同桃，三種都好好味，用原個水果載住雪葩，好原汁原味。呢餐價錢唔貴，但質素好有驚喜。