長阪燒 (已結業)

今日同朋友嚟到旺角呢一邊食lunch就揀咗呢一間係砵蘭街距離旺角地鐵站出口行大概3分鐘嘅長阪燒，餐廳係行高級嘅日式路線，樓底亦都非常高，我哋就坐喺吧枱嘅位置，我哋晏晝嘅時間去食都好多人！好彩我哋唔使等位，最後好快就安排咗入座！我哋叫左旬彩會席御膳（$198），再加廚師發辦壽司八件，兩個人share！壽司，佢係用日本嘅山形縣米去做，之後無論係牛肉飯同埋壽司都食到每一粒米都非常好，有米香🍚！刺身嘅牡丹蝦，非常大隻，食落去亦都非常甘蝦，帶子亦都非常厚切，再加埋少少有淡淡嘅檸檬香，拖羅亦都非常有油香，口感亦都非常好 爐端燒就比較鍾意食佢嘅雞軟骨，燒得非常香脆，如果夜晚嚟食加sake簡直係一流！翠玉瓜亦都燒得好香，唔會有太乾嘅口感，好juicy! 加埋七味粉嘅配搭就啱啱好！冇諗過呢一個價錢嘅廚師發辦壽司都會有海膽同埋拖羅，海膽都非常鮮甜，食得出貨源係非常新鮮，廚師發辦嘅甜蝦亦都非常大隻，我同朋友都非常滿意呢一個set，佢另外仲會配多一個烏冬，烏冬都爽口彈牙，食完非常飽，CP值非常高！ 最後食埋雪糕，係我哋最鍾意食嘅綠茶味雪糕！總括嚟講會再返嚟呢一間餐廳，店員全程都非常客氣，不斷幫我哋加茶，師傅嘢