備長

营业中

休息中

去完日本返黎仲好掛住日本嘅居酒屋，就去左銅鑼灣一間就叫備長嘅居酒屋，店員嘅服務態度超好，感覺好似自己仲喺日本咁😆🥬前菜$28二人嘅前菜，有椰菜紅蘿蔔同埋青瓜，點埋自家製嘅味噌好開胃，蔬菜都好新鮮，食落爽脆清甜。🥪鵝肝多士 $88件估唔到居酒屋有得食鵝肝多士，鵝肝超大件，加上燒汁同埋香脆嘅多士，食落去邪惡得黎又唔油膩，好滿足。🍗明太子雞翼 $32雞翼入面釀有滿滿嘅明太子，食落去辣辣地好惹味，加上燒到香脆嘅雞皮夾埋一絕。👅牛舌厚切 $78牛舌超厚切，燒到岩岩好熟，咬落中間仲好鮮嫩，一啲都唔會韌，非常出色。🍚海膽海鮮炒飯 $158呢碟炒飯我覺得係呢度嘅必食推介，炒飯粒粒分明，加上鮮蝦 魷魚 ，仲有最重點係表面大大塊嘅海膽超鮮甜，撈埋炒飯食一流。🍡七味明太子燒 $88原條明太子再加上七味粉咁燒，食落辣得黎又鹹香十足，夾埋青瓜中和返又有一種清新嘅感覺。🦪岩蠔 $48隻呢度嘅燒蠔有兩種口味，蔥蒜味燒得好香夠惹味，另外味噌味比較少見，食落比較重口味，適合鍾意食濃味嘅朋友仔。🍤軟殼蟹天婦羅 $68天婦羅炸粉厚度岩岩好，食落勁香脆，蟹肉鮮甜，食多兩嚿都唔會覺得漏。