龍味館

营业中

休息中

最近同朋友去咗中環「龍味館」，主打精緻粵菜，餐廳裝修走現代中式風格，環境優雅得嚟唔會太拘謹，好適合三五知己聚餐懷舊黑松露蝦多士，一上枱已經聞到陣陣黑松露香。多士炸得金黃酥脆，蝦膠彈牙，黑松露醬份量恰到好處，唔會太搶，整體配搭好出色，係必試之選秘製豉油雞（半隻）同樣令人驚喜。雞皮油潤有光澤，肉質嫩滑得嚟唔會過腍，豉油汁甜鹹適中，帶微微酒香黑椒牛仔骨煮得剛好，黑椒汁香濃但唔會過辣，仲有少少蜜糖甜味，配埋洋蔥絲一齊食，非常惹味夏威夷果露筍炒鮮菌就清新得嚟有驚喜。露筍爽脆，鮮菌炒得香口，加埋夏威夷果嘅香脆，口感豐富。雖然係素菜，但味道一啲都唔單調，好適合用來平衡其他濃味菜式。 海椰皇燉烏雞湯清澈但味道濃郁，椰子香氣撲鼻，烏雞肉燉到好腍，飲完成個人暖笠笠，好舒服