影片
更多
2025-03-04
909 浏览
好耐冇平日出街食飯喇，之前聽同事講公司附近有間餐廳食fine dining 性價比高，又有feel。今日見早收工，就約埋男朋友去試下。雖然餐廳位於工廠大廈，但裝修好有格調，仲播住宇多田光嘅歌，餐牌係用黑膠碟嘅設計，勁有文藝氣息。環境好寬敞，見到有一家大細帶埋一歲左右嘅BB黎，坐得好舒服。Dinner set人均$400左右，包左welcome drink 、前菜、湯、主食、甜品，非常豐富，賣相仲要勁精緻，港女忍唔住瘋狂打卡。服務方面，侍應每上一道菜都會介紹進食嘅先後次序，而且會留意住客人所需，好細心。Welcome drink 係鼠尾草脊提紅酒醋梳打，酸甜清新嘅口感，好fresh。見welcome drink 有d細杯，唔夠喉，原來set dinner仲包左飲品。我揀左秋桂花鳳梨蜂蜜梳打，唔會太甜，岩岩好。男朋友中意王桂味，所以揀左桑格利亞葡萄玉桂梳打。前菜有3樣，包括48個月風乾火腿配蜜瓜果凍、冧酒車厘子鵝肝慕絲、火炙日本甜粟忌廉芝士撻配鵪鶉蛋。我最中意密瓜果凍，真係食到一粒粒新鮮嘅密瓜係入面，好足料。湯方面，我同男朋友都揀左千邑龍蝦濃湯，好濃郁，有2隻彈牙嘅蝦，仲食到少少爽口嘅蘆筍
雖然餐廳位於工廠大廈，但裝修好有格調，仲播住宇多田光嘅歌，餐牌係用黑膠碟嘅設計，勁有文藝氣息。環境好寬敞，見到有一家大細帶埋一歲左右嘅BB黎，坐得好舒服。
Dinner set人均$400左右，包左welcome drink 、前菜、湯、主食、甜品，非常豐富，賣相仲要勁精緻，港女忍唔住瘋狂打卡。
服務方面，侍應每上一道菜都會介紹進食嘅先後次序，而且會留意住客人所需，好細心。
Welcome drink 係鼠尾草脊提紅酒醋梳打，酸甜清新嘅口感，好fresh。
見welcome drink 有d細杯，唔夠喉，原來set dinner仲包左飲品。
我揀左秋桂花鳳梨蜂蜜梳打，唔會太甜，岩岩好。男朋友中意王桂味，所以揀左桑格利亞葡萄玉桂梳打。
前菜有3樣，包括48個月風乾火腿配蜜瓜果凍、冧酒車厘子鵝肝慕絲、火炙日本甜粟忌廉芝士撻配鵪鶉蛋。我最中意密瓜果凍，真係食到一粒粒新鮮嘅密瓜係入面，好足料。
湯方面，我同男朋友都揀左千邑龍蝦濃湯，好濃郁，有2隻彈牙嘅蝦，仲食到少少爽口嘅蘆筍。
主菜方面，我揀左紅花西班牙海鮮飯，有虎蝦、鮑魚、尤魚、大蜆，樣樣都勁大隻，好滿足，海鮮控必須點！
而男朋友就揀左西班牙杜洛克豬胺扒伴煙肉芝士玉米餅。我偷食左幾舊，豬胺肥瘦均勻，好好食！
甜品方面，有朱古力紅桑子開心果脆脆+薰衣草薑檸啤+青檸椰子薄荷意式沙冰，細細件，唔洗怕漏，三種唔同口味可以一次過試晒。
1 浏览
0 赞好
0 留言
今餐我同男朋友都好滿意，真係全靠同事介紹，我先唔會錯過呢間又打卡able 又好食又唔貴服務又好嘅餐廳～
张贴
