影片
更多
2025-05-16
764 浏览
今晩我同即將移民嘅好朋友去咗金鐘亞洲協會香港中心嘅AMMO餐廳食晚餐，餞行兼品味美食。一入餐廳，昏黃柔和嘅燈光映入眼簾，配合高樓底同設計感十足嘅天花裝飾，氣氛高級但唔拘謹，令人好放鬆。晚餐時段嘅AMMO已經滿座，好彩我哋早早訂位，可以輕鬆咁享受呢餐晚餐。15：00-20：00係Happy Hour，飲品buy one get one free。我哋兩位女士都鍾意打卡，就叫咗兩杯靚靚嘅cocktail。前菜方面，我哋試咗Jasmine Tea Smoked Yellow Tail，茉莉茶煙燻嘅油甘魚配上爽脆嘅青瓜、甜美嘅橙片同清新嘅味噌芝麻醬，味道超讚。另外，USDA Beef Tartare都令人印象深刻，細膩嘅牛肉配上辣味泡菜醬、蛋黃、洋蔥、酸豆同芝麻，層次好豐富。接住嚟係Diver Scallop 'Gon Jiu Cyu' Cereal Chowder，非常creamy嘅周打魚湯，加入乾瑤柱同脆香嘅churro，湯底濃郁又唔失鮮味，帶嚟獨特嘅海鮮滋味。AMMO依家逢星期一至四每日都有一款signature dish做特價優惠，今日係星期三，我哋享用到半價嘅USDA Prime R
一入餐廳，昏黃柔和嘅燈光映入眼簾，配合高樓底同設計感十足嘅天花裝飾，氣氛高級但唔拘謹，令人好放鬆。晚餐時段嘅AMMO已經滿座，好彩我哋早早訂位，可以輕鬆咁享受呢餐晚餐。
15：00-20：00係Happy Hour，飲品buy one get one free。我哋兩位女士都鍾意打卡，就叫咗兩杯靚靚嘅cocktail。前菜方面，我哋試咗Jasmine Tea Smoked Yellow Tail，茉莉茶煙燻嘅油甘魚配上爽脆嘅青瓜、甜美嘅橙片同清新嘅味噌芝麻醬，味道超讚。
另外，USDA Beef Tartare都令人印象深刻，細膩嘅牛肉配上辣味泡菜醬、蛋黃、洋蔥、酸豆同芝麻，層次好豐富。
接住嚟係Diver Scallop 'Gon Jiu Cyu' Cereal Chowder，非常creamy嘅周打魚湯，加入乾瑤柱同脆香嘅churro，湯底濃郁又唔失鮮味，帶嚟獨特嘅海鮮滋味。
AMMO依家逢星期一至四每日都有一款signature dish做特價優惠，今日係星期三，我哋享用到半價嘅USDA Prime Rib-eye（10安士），只係$194。呢道主菜選用咗優質美國頂級肉眼牛扒，配烤蒜、薯仔同牛仔肉汁，medium rare控制得非常準確，鮮嫩多汁，性價比非常高。
我哋仲揀咗另一道主菜——HK Typhoon Shelter Fettuccine with Abalone & Clams，醬料有XO醬嘅濃香味道，加上鮮美嘅鮑魚同蜆，再配黑豆蒜香橄欖油，口感豐富，風味獨特。
最後用Pistachio Tiramisu作甜品，為晚餐畫上完美句號，清新嘅開心果香氣同經典嘅提拉米蘇結合，味蕾好滿足。
张贴
