張公館

营业中

休息中

呢間中菜館環境好有格調，係VPoint極高層，望到成個維港。一入座，侍應就即刻拎咗酸蕎頭同花生上枱，酸蕎頭爽爽脆脆好開胃，花生又香又脆，真係食到停唔到口！我哋叫咗幾款點心同甜品試。首先係香茜芹菜鮮蝦餃，蝦肉彈牙到爆，香茜同芹菜嘅清香好出，皮又薄又滑，食落啱啱好。鮑汁腐皮卷更加係驚喜，腐皮吸晒濃濃嘅鮑汁，咬落嫩滑又juicy，食完真係好滿足！脆脆笑哈哈係脆皮蝦腸，外層脆卜卜，每件都有好多蝦，好足料。養顏紅棗糕軟糯糯，紅棗味濃到不得了，食完覺得好似滋補咗咁。椰菜長春卷都好正，椰菜爽甜，卷得實實地，炸到金黃香脆，抵讚！最貼心係茶壺可以放喺蠋台上保溫，飲茶飲到最後都仲好暖。張公館環境好，菜式質素高，服務又唔錯，下次一定再黎試下其他中菜。