磯野水產

营业中

休息中

位於銅鑼灣嘅磯野水產 @isonosuisan ，每日將海產新鮮由日本空運到港🛩️質素有保證。餐廳裝修好有日式居酒屋風味🏮整體都好舒服。今次同朋友都食咗好多款，點菜後店員會先送上開胃前菜🥗蔬菜條鯷魚醬，青瓜&雪梨&紅蘿蔔切成條狀，點上充滿鹹香味嘅鯷魚醬，清爽開胃。先講講重點磯燒海鮮☺️最鍾意帆立貝，好甜好嫩，原味特別鮮，另外點了一客加咗黑松露的，更加香，又有另一種風味🤤生蠔都幾大隻，燒起亦有海水味但不會腥🦪朋友推薦點了海膽甲羅燒，面頭仲有三文魚子，令整個鮮味再提升🆙最後燒虎蝦亦無失望，肥厚大隻，爽口彈牙。食日本野唔少得刺身，虎蝦膠質滿滿，十分新鮮。而北寄貝由餐廳推介，口感都好爽脆🥰另外點了穴子壽司都有驚喜，賣相精緻，穴子亦好肥美🤩最後就係兩款燒物，羊架唔會好羶，好軟稔並充滿肉汁🐑燒白鱔好厚實，醬汁好相配又唔會蓋過鮮味。