蒙麵

营业中

休息中

呢間車仔麵同平時嘅車仔麵好唔同，因為大部分食材都係高級啲👀我嗌左韮菜餃+生菜+溏心蛋～喺出面食車仔麵邊有溏心蛋㗎，見咁特別梗係嗌嚟試試佢 啲韮菜餃唔知係咪自家製㗎呢，皮好薄同埋包住好多韮菜，好香好好食～！溏心蛋浸住啲滷水汁，又出奇地幾夾喎。下次嚟食麵一定會嗌返😋朋友嗌左呢到好出名嘅蕃茄薯仔湯底+蘿蔔+生菜+牛腩。飲得出佢地嘅湯底係真材實料，好濃嘅蕃茄味。蘿蔔同埋牛腩都煮到好腍，另外再嗌左多蔥，令成碗麵增添不少香氣！！佢仲話好肚餓嗌左加底，結果話仲飽過食buffet哈哈。所以各位大胃王可以試下嗌加底挑戰下😏雖然呢到價錢偏貴，但因為食物相對高質，所以都可以接受啊！！