韓脈 (帝國中心)

营业中

休息中

韓國菜真係百吃不厭，今次嚟到尖沙咀帝國中心-韓脈嚟個happy night. 餐廳菜式選擇好多。韓式BBQ 、各種韓式小食同埋主食。而且老闆亦都係韓國人，所以嘢都韓式地道～小菜六小碟（泡菜、蘿蔔、芽菜、沙津、魚乾、鵪鶉蛋）豐富又開胃，有需要亦可以Refill醬油蟹 配紫菜飯醬油蟹蟹身肥美多膏鮮甜，甘甜而且味道芳醇濃郁，將蟹膏撈埋紫菜飯食，正☺️炒牛肉粉絲超級香濃，炒到亦好入味。牛肉嫩滑而粉絲亦爽口，口感一流，食唔停口。醱酵鮑魚人蔘雞湯原隻雞包住軟糯米，湯頭非常清甜養生。飲落非常舒服，加埋鮑魚真係補身必選！泡菜豬肉湯泡菜滿滿嘅紅湯，飲落唔算好辣。伴有泡菜葉，豬肉同嫩豆腐。好惹味，送飯認真一流泡菜餅點少得地道泡菜煎餅，超級大份。每塊都好大，而且好濃嘅泡菜味。熱辣辣又軟綿，沾埋醬汁，味道更重，啱晒重口味朋友仔。